Mi no a haña e partner korekto ainda

Apesar ku mi mayornan ta felis huntu pa mas ku 25 aña kaba, mi no a kibra e kódigo pa un relashon felis ainda. Mi a sali ku un mucha muhé kaminda di 24 ora den un dia, nos tabata pasa solamente kuater ora sin pleita. E rabia a alimentá e relashon. 

E pèrdèdó 

Mi tin e idea ku mucha muhé no gusta gai ‘soft’. E úniko biaha ku mi tabata ke ‘hasi e kos korekto’ mi a resultá un pèrdèdó. E tabata un relashon di un banda so. Mi a purba di solushoná tur su problemanan, pero no por a bai serka dje ora mi tabatin algu ku ta preokupá mi. Mi a pone mas atenshon na su sintimentunan ku el a hasi na esnan di mi. Na dado momentu mi no tabata por mas i a kibra kuné. Mi a sinti manera mi tabata e úniko persona ku tabata traha riba nos relashon.

E manera ku mi mayornan ta trata otro ta sirbi komo un ehèmpel. Mi ta sinti ku mi ta kla pa drenta den un relashon bon. Sinembargo, mi no a topa e persona korekto ainda.