Kapa i Diafragma
Un diafragma (òf kapa) ta un kúpula suave di silikon ku ta kubri e boka di matris (e entrada pa e matris). Si uz’é korektamente, e ta mesun konfiabel ku otro antikonseptivo.
Kon e ta funshoná?
Bo ta hinka e diafragma den bo vagina, no mas ku 2 ora promé ku bo tene relashon seksual. Promé, bo ta pone algun spermisida riba e diafragma. Despues bo ta hink’é den bo vagina, meskos ku un tampon. Despues di sèks, laga e diafragma aden pa por lo ménos 6 ora.
Bolbe hasi uzo di dje
Ora bo sak’é for di bo vagina, laba e diafragma bon ku awa lou pa limpi’é. Awor e ta kla pa uza atrobe. Bo por uza e mesun diafragma pa te ku 2 aña. E no ta protehá kontra ITS.
Unda bo por haña un diafragma òf un kapa?
Bo por kumpra un tamaño standart na botika òf online. Pero tin mucha muhé i hende muhé ku mester di un otro tamaño. Nan dòkter lo por midi esaki pa nan. Si bo ke sa ki tamaño bo mester, bishitá bo dòkter.
Loke bo mester hasi
- Praktiká un par di biaha ku hinkamentu di bo diafragma. Ehersisio ta hasi maestro!
- Bo no tin sigur si e ta pas bon? Laga bo dòkter kontrol’é.
- Bo ta uza un lubrikante durante sèks? E ora ei, skohe unu ku ta basá riba awa. Otro tipo di lubrikante por daña e diafragma!
- Kontrolá e diafragma pa kualke daño miéntras bo ta spula esaki bou di kranchi.
Bo menstruashon
Un diafragma òf kapa lo no tin efekto riba bo menstruashon.
Bentaha i desbentaha
Bentaha:
- Bo mester uz’é solamente ora bo tin sèks
- E no ta karu
- Bo no mester di un reseta pa haña unu
- Lo bo no tin ningun efekto segundario di hormona
- Bo no por sintié
- Bo tin bo menstruashon ainda manera kustumber
- Unabes ku bo a stòp di uza un diafragma, bo ta fértil atrobe
Desbentaha:
- Un diafragma por ta difísil pa hinka korektamente
- E no ta mesun konfiabel ku otro antikonseptivonan pasobra e por ta difísil pa hinka
- Bo tin ku kòrda bistié promé ku tene relashon seksual
- Bo mester apliká spermisida kada biaha ku bo uz’é
- Tin biaha e ta kousa mas deskarga vaginal i iritashon
- Bo no por uz’é pa kontrolá bo menstruashon
- Un diafragma no ta protehá kontra ITS
Ki ora bo ta kore e rísiko di embaraso?
- Si bo hinka e diafragma den bo vagina mas ku 2 ora promé ku tene relashon seksual. E ora ei spermisida lo no ta efektivo mas
- Si e diafragma no ta tapa e boka di matris kompletamente
- Si bo lubidá di pone spermisida riba e diafragma
ITS
Kòrda bon: a diafragma òf kapa no ta protehá kontra ITS. Pa prevení ITS bo mester uza un kondon.
Otro tópiko
Sigui eksplorá bo salú seksual.
Métodonan ménos konfiabel
Si bo no ta kla pa haña yu ainda, e ora ei definitivamente bo no ke sali na estado, òf saka un mucha muhé na...
Apstinensia
Apstinensia ta nifiká skohe pa no tene relashon seksual, kual ta e úniko manera 100% efikas pa prevení embaraso i ITS. Algun hende ta praktiká...
Pleister antikonseptivo
E pleister ta un pleister fini, fleksibel, ku ta midi 4.5 x 4.5 cm. Un pleister antikonseptivo ta mesun konfiabel ku e píldora.
