Inyekshon Antikonseptivo
E antikonseptivo akí ta kontené hormona, pero ta un inyekshon na lugá di un píldora. E inyekshon ta protehá kontra embaraso pa 1 òf 3 luna, dependé di bo skohensia. E ta hopi konfiabel.
Kon e ta funshoná?
E hormonanan den e inyekshon antikonseptivo ta sòru pa bo no sali na estado. Tin dos opshon. Un inyekshon tur luna (pa protekshon kontra embaraso pa 4 siman) òf 3 inyekshon pa luna (pa protekshon kontra embaraso pa 12 siman).
Loke bo mester sa
- Puntra bo dòkter si e inyekshon ta adekuá pa bo
- Un dòkter òf enfermero ta pasabo e inyekshon. Ke men, bo mester bai serka bo profeshonal di kuido médiko pa kada inyekshon
- Un inyekshon antikonseptivo ta protehá bo pa 4 òf 12 siman. Esaki ta dependé di e inyekshon ku bo skohe
Unda bo por haña e inyekshon antikonseptivo?
Bo mester risibí e inyekshon di un profeshonal di kuido médiko. Ke men bishitá bo dòkter òf Fundashon Famia Planiá . Preis di e inyekshon ta varia entre mas o ménos 12 te 20 florin depiendo di esun ku bo skohe.
Bentaha i desbentaha
Bentaha:
- Bo mester pensa riba dje solamente un biaha kada 1 òf 3 luna.
- Lo bo haña bo menstruashon ku ménos frekuensia. Despues di 1 aña, generalmente bo menstruashon ta stòp kompletamente.
- E inyekshon ta te asta konfiabel si bo ta saka òf tin diarea.
- Niun hende no por bisa ku bo ta uzando antikonseptivo.
Desbentaha:
- Bo tin ku bai bo dòkter kada 1 òf 3 luna pa tuma un inyekshon.
- Bo no por deshasí di ningun efekto segundario mesora. E hormonanan den e inyekshon antikonseptivo ta keda den bo kurpa pa 3 luna.
- Ora bo stòp, por dura entre un par di luna te un aña promé ku bo ta fértil atrobe.
- Bo por tin sangramentu entre e reglanan.
- Bo por tin algun sangramentu vaginal inesperá.
Tin efekto sekundario?
Ora bo kuminsá tuma e inyekshon antikonseptivo, lo bo por eksperensiá algun efekto sekundario. Esaki ta pasó bo kurpa tin ku kustumbrá ku e hormonanan ku tin den e inyekshon. Posibel efektonan sekundario ta:
- pèrdida di sanger iregular
- doló di kabes
- pèshi
- pèrdida di kabei
- pechunan doloroso
- estado di ánimo abou
- subida di peso
Normalmente, e efektonan sekundario ta disparsé despues di algun luna. Si bo tin problema ku nan, tuma kontakto ku bo dòkter.
Sangramentu
Si bo tuma inyekshonnan antikonseptivo, lo bo por eksperensiá poko sangramentu vaginal inesperá.
Ki ora bo ta kore rísiko di embaraso?
Si bo ta muchu lat pa haña bo siguiente inyekshon antikonseptivo (mas lat ku 1 òf 3 luna).
ITS
Kòrda bon: e inyekshon antikonseptivo no ta protehá kontra ITS. Pa prevení ITS, bo mester uza kondon.
Otro tópiko
Sigui eksplorá bo salú seksual.
Métodonan ménos konfiabel
Si bo no ta kla pa haña yu ainda, e ora ei definitivamente bo no ke sali na estado, òf saka un mucha muhé na...
Apstinensia
Apstinensia ta nifiká skohe pa no tene relashon seksual, kual ta e úniko manera 100% efikas pa prevení embaraso i ITS. Algun hende ta praktiká...
Kapa i Diafragma
Un diafragma (òf kapa) ta un kúpula suave di silikon ku ta kubri e boka di matris (e entrada pa e matris). Si uz’é korektamente,...
