Bo tabata sa?

Bo tabata sa?

Ora bo ta yòn, bo por fantasiá tokante un hende ku bo gusta. Esaki por ta un mucha hòmber, un mucha muhé òf un hende di un otro sekso. Ken ta atraé bo? Di ken bo ta fantasiá? Of kisas bo no ta sigur ainda ken ta atraé bo i esei tambe ta bon.

Kiko ta Kiko?

Gay: Mayoria biaha òf semper bo ta sinti atrakshon romántiko òf seksual pa hende di e mesun sekso òf un sekso similar na esun di bo.
Lesbiana: Bo ta un hende ku mayoria biaha òf semper ta sinti atrakshon romántiko òf seksual pa hende muhé.
Bi: Bo ta sinti atrakshon romántiko òf seksual pa hende di diferente sekso.
Hetero: Mayoria biaha òf semper bo ta sinti atrakshon romántiko òf seksual pa hende di un sekso diferente for di bo mes.

Bo tabata sa?

E promé grupo aktivista gay konosí na Kòrsou, Sociedad Homosexual Antiyano Biba Larga Biba (SHA), a lanta den añanan 70. Nan tabata uza komunikadonan di prensa pa defendé trato igual i emansipashon total di homoseksualnan.
Travestismo den públiko tabata ilegal. Na aña 1983 a kita e prohibishon di travestismo na Hulanda. Na Kòrsou tambe, awendia, mucha hòmber i hende hòmber tin mag di bisti manera mucha muhé òf hende muhé den públiko.
Na 2012 a tene e promé Curaçao Gay Pride. E evento di un siman ta un selebrashon di hendenan ku ta bini huntu den amor i amistat pa mustra te kon leu a yega ku derechinan LGBT. Kuater aña despues, na 2016, e Pride Walk inisial a tuma lugá. Awendia, e ta e evento emblemátiko di Curaçao Pride.
Riba 12 di yüli 2024, korte supremo di Hulanda a dikta ku matrimonio di mesun sekso ta legal na Kòrsou, sosteniendo un desishon kontra diskriminashon basá riba orientashon seksual. E promé matrimonio di mesun sekso, entre dos hende muhé, a tuma lugá dia 27 di yüli 2024.