Eyakulashon
Ora bo tin un orgasmo, bo ta eyakulá. Semen ta sali for di bo pénis dor di bo uretra. Nos ta yama esaki eyakulá òf bini. Generalmente esaki ta sosodé den 3 òf mas spùitmentu i ta dura algun sekònde.
Promé eyakulashon
Mayoria mucha hòmber ta haña nan promé eyakulashon entre e edatnan di 11 i 16 aña. For di e momentu ei, nan ta seksualmente madurá i por saka un mucha muhé na estado. Un mucha hòmber por haña su promé eyakulashon dor di un soño muhá, pero no nesesariamente. Bo por haña bo promé eyakulashon tambe ora bo ta masturbá òf ora bo ta hasi amor ku un hende.
Soño muhá
Un soño muhá ta un eyakulashon spontan ku un hòmber tin ora e ta na soño. Si bo lanta i e kama ta sinti muhá, bo por pensa ku bo a pishi kama. Esei no ta korekto, bo a haña un soño muhá. Un soño muhá ta sosodé spontáneamente, hopi biaha sin soña tokante sèks.
Laba pero no uza habon
Laba bo pénis tur dia. Hala bo bachi di pénis atras si bo no ta sirkunsidá. Esaki ta permití bo limpia bou di korona di bo glans. Si bo no hasi esaki, bo ta haña smegma bou di bo bachi di pénis. E kos blanku i pèkèpèkè akí por hole, iritá òf kousa inflamashon. Ora bo ta sirkunsidá tambe ta importante pa tene bo pénis limpi.
Pishi
Nunka semen i pishi (urina) no ta sali for di bo pénis na mes momentu. Ora bo tin un erekshon, bo uretra ta será. Si bo mester pishi, bo mester warda te ora bo pénis ta moli atrobe.
Otro tópiko
Sigui eksplorá bo salú seksual.
E Skrotem
E skrotem lo mustra diferente serka kada hende: grandi, chikitu, iploi òf basta lizu, ku òf sin kabei. Generalmente un testíkulo ta kologá un poko...
Erekshon
Un erekshon ta nifiká ku bo pénis ta bira duru i para stret. Esaki ta sosodé ora bo ta seksualmente eksitá. Tin biaha e ta...
Problema ku e bachi di pénis
Tin mucha hòmber ta haña nan ku un difikultat pa hala nan bachi di pénis atras na e manera korekto. Masturbá òf hasi sèks ta...
