Herpes genital

Señal- i síntomanan of herpes

Tin hende ku tin e vírùs di herpes sin ku nan tin e síntomanan. Kualke síntoma ku bo tin lo paresé 1 siman despues ku bo a tene relashon seksual.

Síntomanan ku bo por tin na bo pénis, vagina òf anus:

• Blar òf herida yená ku líkido. Si nan ta den bo vagina òf anus, lo bo no ripará nan
• Doló
• Grawatashi
• Deskarga awa
• Un sensashon di kimamentu
• Markanan kòrá riba bo kueru
• Doló ora bo ta uriná òf, si bo a hasi sèks anal, ora bo ta bai af
• Glándulanan linfátiko hinchá

Brote di herpes

Ta yama tur e síntomanan aki un brote di herpes. Durante e promé brote, e síntomanan ta mas severo. Tambe bo por tin keintura, doló di kabes i múskulonan doloroso. Despues di esei, e brotenan lo ta mas leve. Tin hende tin solamente 1 brote. E síntomanan lo bai di nan mes, pero por bini bèk:

• Si bo ta kansá i estresá
• Si bo tin grip òf bo regla

E blar ta forma kaska despues di 1 pa 4 siman i despues ta disparsé. Pero e vírùs ta keda den bo kurpa. E blar por bolbe regresá.    

Tratamentu

Herpes no ta dañoso pero por ta doloroso òf fastioso. Si e ta molestiá bo, e ora ei bo por haña tratamentu serka bo dòkter.

Tin 2 tipo di tratamentu:

• Píldora antiviral ku ta hasi e brote mas kòrtiku. Esakinan ta funshoná solamente na kuminsamentu di un brote di herpes. E ora ei lo bo tin ménos síntoma

• Un krema ku ta aliviá e doló i ta yuda e blarnan pa forma kaska

E vírùs ta keda den bo kurpa. Bo por bolbe haña síntoma. I tin biaha e síntomanan no ta bai kompletamente.

Si hopi biaha bo tin brote severo di herpes, puntra bo dòkter si bo por haña remedi ku ta stòp bo di haña síntoma.