Glans & bachi di pénis

Glans & bachi di pénis

E glans òf kabes di dòlò ta e punto seksual mas sensitivo pa un hòmber. E ta na punta di bo pénis. E ta kubrí pa e bachi di pénis, a ménos ku bo ta sirkunsidá.

Glans

E glans ta lizu, suave i generalmente di koló kòrá ros. Ora bo haña un erekshon, e pénis i glans ta yena ku sanger. E glans ta hincha i ta bira mas skur (òf mas kòrá). E bachi di pénis ta tapa e glans. Na nasementu, e bachi di pénis ta pegá ainda na e glans. Un kaminda entre 8 i 14 aña di edat, e bachi di pénis ta separá outomátikamente for di e glans.

Erekshon

E glans ta keda eksponé ora bo tin un erekshon. E bachi di pénis ta slep bai patras riba e glans. Si bo tin un bachi di pénis mas largu, e glans por keda tapá ora bo tin un erekshon ainda.

Sensitivo

E glans ta e punto seksual mas sensitivo pa un hòmber. Korona di e glans i e frenio ta forma e sekshon mas sensitivo. E frenio ta e banda elástiko di tehido ku ta pega e bachi di pénis na e glans.

Sèks

Ora bo hunga ku bo mes òf hasi sèks ku un hende, bo por stimulá bo glans. Lesa mas tokante masturbashon, hala puñete, sèks penetrativo òf felashon (sèks oral).

Mancha blanku chikí

Algun hende hòmber tin mancha blanku chikí na part’i ariba di e glans. Esaki no ta un IST, e ta un kos normal yamá ‘pápulanan di perla di pénis’.

Problema ku e bachi di pénis

Algun mucha hòmber tin difikultat pa hala nan bachi di pénis atras n’e manera korekto. Esaki ta nifiká ku e por ta doloroso pa hala puñete òf pa tin sèks penetrativo. E ta nifiká tambe ku bo no por limpia bo glans korektamente. Hopi biaha bo mes por hasi algu na esaki. Tin biaha bo mester bai bo dòkter. Lesa mas tokante problema ku e bachi di pénis.