Influensia di alkohòl i droga

Kon supstansianan ta afektá sèks:

• Falta di restrikshon: Bo por hasi skohensianan ku normalmente lo bo no konsiderá, manera sèks no protehá òf partisipá den aktividatnan ku bo no ta kompletamente kómodo kuné.
• Huisio debilitá: E por ta mas difísil pa rekonosé i respetá límitenan, tantu di bo mes komo di bo partner.
• Asuntunan di konsentimentu: Si abo òf bo partner ta muchu fuma, konsentimentu kla i entusiasmá no ta posibel.
• Efektonan físiko: Supstansianan por impaktá eksitashon, prestashon i plaser, tin biaha hasiendo sèks ménos agradabel òf físikamente difísil.

Mantené kòntròl

• Konosé bo límitenan: Fiha límitenan promé ku bo bebe òf uza supstansia
• Papia tokante konsentimentu miéntras bo no ta burachi: Esaki ta yuda sigurá ku tur hende enbolbí ta riba e mesun frekuensia
• Uza protekshon: Mantené kondon i lubrikante disponibel pa redusí rísiko di ITS òf embaraso
• Keda konsiente di e ambiente rondó di bo: Sòru pa bo ta na un lugá sigur ku hende ku bo ta konfia

Bon sèks ta tokante sintibo sigur, respetá i kompletamente presente na e momentu. Supstansianan por kambia esaki, pues ta importante pa kontrolá bo mes i hasi skohensianan ku ta kuadra ku loke bo ke.

Pensando riba potensiadónan seksual? Kiko pa sa

Produktonan manera HoneyPack òf Pink Pussycat ta pretendé di impulsá prestashon, pero no ta semper nan ta mesun seif ku nan ta parse. Algun ta kontené ingredientenan skondí ku por afektá bo kurason, preshon di sanger òf otro remedinan ku bo ta tuma.

Kosnan pa tene kuenta kuné:

• No ta semper bo sa kiko nan ta kontené. Algun potensiadó tin supstansianan no regulá òf dañoso.
• Nan por brua ku otro remedinan. Si bo ta tumando remedi pa kosnan manera asma, ansha òf salú di kurason, potensiadónan lo por kousa problema.
• Bo por dependé muchu riba nan. Uzo regular por ponebo sinti ku bo mester di nan, asta ora bo no tin mester di nan.
• No ta tur nan ta tèst riba seguridat. Algun no ta aprobá pa dòkternan òf ekspertonan di salú.

Hasi e mihó skohensia pa bo:

• Hasi Pregunta: Si bo ta kurioso, papia ku un dòkter òf botikario tokante opshonnan sigur.
• Konfia Bo Kurpa: Bon soño, ehersisio i komunikashon ku bo partner ta yuda muchu mas ku un solushon rápido.
• Keda Seif: Si bo skohe pa uza unu, sòru pa e ta di un fuente di konfiansa i sa e rísikonan.

Bo konfiansa i bienestar ta mas importante. Sintibo bon den bo kurpa ta muchu mas ku djis un produkto!