Kon bo ta sintibo durante pubertat
Ora bo drenta pubertat, no ta bo kurpa so ta kambia. Bo ta kuminsá sinti diferente tambe.
Hari òf yora
Durante pubertat, tin biaha bo ta sintibo mashá kontentu pa djis despues bo sintibo basta tristu. Lo bo por tuma un momentu di reflekshon pa ku bo mes i e mundu rondó di bo.
Tur hende ta diferente
Kada mucha muhé ta otro. Por ehèmpel, un sierto mucha muhé ta haña su regla promé ku un otro. Kisas bo ta mas largu ku bo amigunan òf bo pechunan ta mas chikí ku di nan. No preokupá bo kabes ku esaki. Ta orguyoso di bo mes i bo kurpa.
Namorá
Durante pubertat, hóbennan hopi biaha tin fantasianan tokante un hende ku nan gusta. E por ta un mucha hòmber, pero tambe un mucha muhé. Lo bo por namorá. E ora ei bo ta haña barbulètè den bo stoma i bo ta bira nèrvioso ora bo mira e persona en kestion.
Pensa riba sèks
Bo ta kuminsá bira kurioso tokante sèks durante pubertat. Talbes bo ta pensa hopi riba sèks i por ta bo ta sintibo seksualmente eksitá (speshá). Hopi mucha muhé gusta lesa tokante esaki, wak potrèt òf papia riba esaki ku nan amigunan.
Otro tópiko
Sigui eksplorá bo salú seksual.
Bo kurpa durante pubertat
Bo ta kurioso kon bo kurpa ta funshoná i dikon e ta kambia? Durante pubertat, bo kurpa ta kambia. Kiko eksaktamente ta sosodé?
Kiko ta konsentimentu?
Konsentimentu ta nifiká bai di akuerdo ku algu i duna pèrmit na un manera ku ta kla, liber i informá. Ta un kestion di sòru...
