Pénis
Bo pénis i skrotem ta meimei di bo bèl di pianan. Algun otro palabra pa pénis ta pimpilinchi.
- Na punta di bo pénis tin e glans. Esaki ta e parti seksual mas sensitivo di bo kurpa.
- Normalmente e ta tapá pa e bachi di pénis, a ménos ku bo ta sirkunsidá.
- Meimei di e glans tin e buraku di urina. Urina ta sali for di akinan, pero tambe semen ora bo eyakulá.
- E otro parti di bo pénis yama e shaft.
Rondó di bo pénis
- Tras di bo pénis bo ta haña bo skrotem. Den dje tin dos testíkulo.
- Kabei púbiko ta krese rondó di bo pénis.
- Te patras entre bo bèlnan di pia bo ta haña bo ano (ko’i pupu kuné).
Forma i tamaño
Tin diferente forma i tamaño di pénis. Kada pénis ta mustra otro: stret, doblá, largu, diki, fini, sirkunsidá òf no-sirkunsidá. Niun tipo di pénis no ta mihó k’e otro.
Ko’i loko
Hopi biaha hende hòmber ta broma tokante nan pénis; kon grandi e ta i kuantu simia e ta produsí. Esaki por ta pa motibu di inseguridat òf simplemente pa falta di konosementu. Un pénis mas grandi no nesesariamente ta nifiká ku bo tin mihó sèks òf ku bo ta un mihó amante.
Otro tópiko
Sigui eksplorá bo salú seksual.
Eyakulashon
Ora bo tin un orgasmo, bo ta eyakulá. Semen ta sali for di bo pénis dor di bo uretra. Nos ta yama esaki eyakulá òf...
E Skrotem
E skrotem lo mustra diferente serka kada hende: grandi, chikitu, iploi òf basta lizu, ku òf sin kabei. Generalmente un testíkulo ta kologá un poko...
Erekshon
Un erekshon ta nifiká ku bo pénis ta bira duru i para stret. Esaki ta sosodé ora bo ta seksualmente eksitá. Tin biaha e ta...
