Plateis

Señal- i síntomanan

Plateis ta fásil pa detektá. Nan parse kangreu chikí. Nan ta shinishi òf maron i ta 1-3 mm largu.
Síntomanan ku bo por tin ta:

• Grawatashi den kabei púbiko ku no ta pasa ora bo rasp’é
• Kòrtá òf kueru iritá dor di e raspamentu
• Puntonan blanku òf hel den bo kabei púbiko: esakinan ta webu di plateis
• Manchanan shinishi-blou riba bo kueru: esakinan ta mordénan di plateis
• Manchanan kòrá òf maron den bo paña djabou: esaki ta shushi di plateis
• Hopi biaha e grawatashi ta kuminsá 5 dia despues ku bo a tene relashon seksual

Plateis no ta asina komun. Ke men, si bo tin grawatashi,  normalmente ta algu otro, manera sarna. Esakinan tambe ta insektonan chikitu, pero bo no por mira nan. I e iritashon ta den otro partinan di bo kurpa tambe.

Lesa mas tokante sarna

Tratamentu

Bo mes por trata plateis ku un krema ku bo por kumpra na botika. Bolbe uza e krema despues di 1 siman. E ora ei bo por ta sigur ku tur webu i plateis ta morto.

Labamentu ku awa i habon òf shampú komun lo no deshasí di plateis.

Bisa e hendenan ku bo a tene relashon seksual kuné den e último 2 lunanan ku bo tin plateis. Despues nan por kontrolá pa wak si nan tambe tin esaki. I uza krema tambe.

Sòru pa plateis no bini bèk

• Laba e pañanan ku bo tabatin bisti promé ku e tratamentu na un mínimo di 60°C.
• Laba bo paña di kama tambe pa mata e webunan.
• Laga bo kolchon i kusinchi kue airu.
• Si no ta posibel pa laba algu, hib’é dry cleaning. Si ningun di dos ta posibel, hink’é den un saku di plèstik será pa un siman. Of den un frizer pa 24 ora.