Sarna

Sarna

Sarna ta bini di insektonan chikitu (ákaro) ku ta kousa grawatashi. Nan ta subi bo kurpa durante sèks. Of si bo yega hopi serka di un hende ku ta infektá. Tin tratamentu pa sarna. Si bo hasi e tratamentu na e manera korekto i limpia kosnan den bo kas korektamente, esaki generalmente lo deshasí di dje.

Señal- i síntomanan

Bo mes no por mira e ákaronan. Pero bo por mira e tùnelnan ku nan ta koba. Síntoma ku bo por tin ta:

Grawatashi, tin biaha rònt bo kurpa
E grawatashi ta bira mas pió anochi i ora ta hasi kalor
Tùnelnan visibel riba bo pòls, entre bo dedenan, den bo hòl di rudia, bou di bo pechunan
Bultonan kòrá-püs na bo pénis òf vagina
Kueru iritá i kòrá dor di raskamentu

E síntomanan ta kuminsá 2 te 6 siman despues ku bo a keda infektá ku sarna.

Tratamentu

Por trata sarna ku tablèt òf krema. Bo por bai bo dòkter pa esaki. Lesa e instrukshonnan semper promé ku uzo i sòru pa sigui nan.

E siguiente hendenan tambe mester uza e krema, maske nan no tin niun síntoma:

Hende ku bo tin sèks kuné regularmente
Hende ku bo ta kompartí kama òf paña kuné
Hende ku bo ta biba kuné
Tur otro hende ku bo a yega di mishi kuné pa mas tantu ku 15 minüt

Por dura entre 2 pa 6 siman promé ku e síntomanan disparsé.

Sòru pa sarna no bin bèk

Asin’akí bo ta sòru pa bo no bolbe pega ku sarna:

Laba bo paña-, sèrbète- i pañanan di kama bon na un mínimo di 60°C
Si no por laba algu, manera un teduki òf un peluche, hink’é den un saku di shushi pa 3 dia. Sera e saku bon
Laga bo kolchon i kusinchi kue airu. Preferiblemente pa 3 dia