Kon pa kuida bo kurpa

Tur hende tin un holó natural

Tur hende tin un holó di kurpa natural. Holó ta importante den amor i sèks. Hopi biaha bo ta haña un hende èkstra atraktivo pasobra bo ta gusta e manera ku e ta hole. Pues, bo no mester skonde bo mes holó di kurpa. Bo partner por realmente gust’é.   

Sodamentu

Durante pubertat, hende ta soda mas, spesialmente bou di brasa i esaki por hole. Esaki ta kompletamente normal. Ta un bon idea pa bo laba bo kurpa tur dia i kambia bo paña regularmente. Hasi uzo di un desodorante tambe ta yuda. 

Mancha

Hormonanan ta responsabel pa hasi e kueru mas zeta. Esaki ta produsí mancha. Bo ta sufri di esaki? Laba bo kueru ku un zjèl di limpiesa pa hasié ménos zeta. No uza habon komun: hopi biaha esaki ta seka bo kueru muchu. Despues bo kueru ta reakshoná dor di produsí mas zeta ainda, loke ta resultá den mas mancha ainda.