Kon pa kuida bo kurpa
Kon bo ta kuida bo kurpa? Skeiru bo djente, dal un ducha regularmente i sòru pa bo bisti paña limpi. Ora bo alkansá pubertat, bo kurpa ta pasa dor di kambionan. Ke men, normalmente e mester di mas kuido.
Tur hende tin un holó natural
Tur hende tin un holó di kurpa natural. Holó ta importante den amor i sèks. Hopi biaha bo ta haña un hende èkstra atraktivo pasobra bo ta gusta e manera ku e persona akí ta hole. Bo no mester skonde e holó di bo mes kurpa. Bo partner por realmente gust’é.
Sodamentu
Durante pubertat hende ta soda mas, spesialmente bou di bo brasanan i esaki por hole. E ta kompletamente normal. Laba kurpa tur dia i kambia bo pañanan regularmente ta un bon idea. Hasi uzo di un desodorante tambe ta yuda.
Mancha
Hormonanan ta pone e kueru bira mas zeta. Esaki por resultá den mancha. Bo ta sufri di esaki? Uza un zjèl di limpiesa pa hasi bo kueru ménos zeta. No uza habon komun: hopi biaha e ta seka bo kueru muchu. E ora ei bo kueru ta reakshoná dor di produsí mas zeta ainda, loke ta resultá den mas mancha ainda.
Otro tópiko
Sigui eksplorá bo salú seksual.
Kon pa prevení un infekshon di blas
Hende muhé ta haña infekshon di blas, tambe yamá sistitis, mas fásil ku hende hòmber. Esaki ta pasobra e uretra ta mas kòrtiku serka hende...
Kon pa kuida bo vulva i vagina
Deskarga ta e líkido blanku ku ta sali for di bo vagina ora bo no tin bo regla. Deskarga vaginal ta normal i hopi importante....
Plateis
Plateis ta insektonan chikitu ku por biba den kabei púbiko. Bo por haña nan den bo kabeinan di wowo, barba òf otro kabei di kurpa....
