Chekeo di límite
Bo ta puntra bo mes si loke ta pasando ta oké? Hasi bo chekeo di límite abou.
| Kua deklarashon ta pas ku bo situashon? Skohe esun na man robes òf esun na man drechi | ||
| Mi ta sinti ku tene relashon seksual ta mi skohensia | <> | Mi ta sinti ku tene relashon seksual no ta mi skohensia |
| Bisa nò, no ta hasi e kosnan difísil | <> | Bisa nò, ta hasi e kosnan difísil |
| Ami ku mi partner tin mes tantu di bisa den loke ta pasando | <> | Mi partner tin mas tantu di bisa den loke ta pasando ku ami |
| Mi ta sinti ku mi ta sufisientemente madurá pa loke ta pasando | <> | Mi ta sinti ku mi ta muchu yòn pa loke ta pasando |
| Mi ta sinti ku esaki ta un bon lugá òf ambiente pa loke ta pasando | <> | Mi ta sinti ku no ta apropiá pa tene relashon seksual den e lugá òf ambiente akí. |
| Mi ta sintimi kontentu ku loke ta pasando | <> | Mi ta sintimi tristu i supbalorá pa motibu di loke ta pasando |
Bo tabata na man robes pa tur e 6 deklarashonnan?
E ora ei ta kompletamente oké.
Bo tabata na man drechi pa 1 òf mas deklarashon??
Bo mester sòru e ora ei pa e situashon kambia, pasó e no ta bon pa bo. E ora ei sèks ta lagabo sintibo tristu òf inferior òf e ta algu ku bo no ta ègt kla p’e. Bo meresé muchu mas ku esei.
Sèks ta mas dushi si
- Boso tur dos ke hasié
- Niun hende no ta fòrsá pa hasié
- E ta riba un base igual
- E ta pas ku bo edat
- E ta kuadra ku e ambiente
- E no ta lagabo sintibo tristu òf supbalorá
Otro tópiko
Sigui eksplorá bo salú seksual.
Kiko pa hasi si bo mira kondukta indeseá
Si bo mira un hende surpasá e límitenan di un otro persona, bo por intervení – pero bo mes seguridat semper mester ta na promé...
Kiubo di e otro persona su límitenan?
Konsentimentu ta un kaya di dos direkshon. Meskos ku bo límitenan ta importante, di nan tambe ta.
Protehá bo mes & respetá otronan
Nunka no ta bo falta si un hende surpasá bo límitenan, pero lamentablemente, e por sosodé. Aki ta sigui algun manera pa protehá bo mes,...
