Vagina

Elástiko i fleksibel

Bo vagina ta un habrí ku ta bai te na bo serviks. Normalmente bo vagina ta entre 7 i 9 cm hundu i basta smal; e murayanan ta kasi mishi ku otro. Pero bo vagina ta elástiko i fleksibel i ora bo ta seksualmente eksitá, bo vagina ta bira húmedo i ta habri. Esaki ta permití un pénis, òf kisas dede, pa drenta den dje ku fasilidat. Asta un beibi por pasa dor di dje durante parto.

Wak pa bo mes

Bo sa kon aparensia di bo vagina ta? Ta bon pa bo mes tira un bista. E ora ei bo tin un mihó idea kon tur kos ta funshoná den bo.

Kue un spil i wak e habrí di bo vagina.

Bo por ke hinka bo dede pa eksperensiá kon bo vagina ta sinti. Parti paden di bo vagina ta sinti suave i un poko húmedo.