E peso di ròlnan di sekso

E peso di ròlnan di sekso

• Hende hòmber komo “tòf” i emoshonalmente reservá: Hopi biaha ta bisa mucha hòmbernan ku “un hòmber di bèrdat no ta yora,” reforsando e kreensia ku ora bo mustra emoshonnan manera tristesa òf miedu, esaki ta un señal di debilidat. Esaki por hasié mas difísil pa un hende hòmber ekspresá su sintimentunan i buska sosten emoshonal. 
• Hende muhé komo kuidadó i hende modesto:Tradishonalmente ta ferwagt ku hende muhé ta suave, kariñoso i modesto. Lo por husgá nan severamente si mira nan komo muchu franko òf si nan ta sigui komportashonnan ku hende ta konsiderá “demasiado maskulino” òf muchu seksual.

Normanan dòbel den komportashon seksual

Hopi biaha ta elogiá hende hòmber pa ta seksualmente aventurero, miéntras por kritiká hende muhé òf pega etikèt negativo riba dje si e  tin vários partner. Esaki ta krea un dinámika inhustu ku ta limitá tur dos sekso di tuma desishonnan personal sin preshon di sosiedat.

Ròlnan fiho di sekso

Tin un ekspektativa fuerte ku kada persona mester pas den un ròl maskulino òf femenino estrikto. Por ehèmpel, ta ferwagt ku hende hòmbernan ta e provedónan i tumadónan di desishon, i ta ferwagt ku hende muhénan ta e dunadónan di kuido i amanan di kas. E ròlnan rígido aki por stroba hende di sigui karera, hòbi òf estilo di bida ku ta kuadra ku nan interesnan personal.