Trikomoniasis
Trikomoniasis of triko ta un ITS. Bo ta pega otro kuné durante sèks, spesialmente si bo no ta uza kondon. Tin biaha bo tin síntoma, pero hopi biaha bo no ta ripará mes. Triko ta fásil pa trata ku remedi (antibiotika). Esaki generalmente ta deshasí di e infekshon.
Señal- i síntomanan
Tin biaha hende muhé i mucha muhé tin síntoma. Generalmente mucha hòmber i hende hòmber no tin síntoma. E síntomanan lo por paresé despues di un tempu tambe.
Síntomanan serka hende muhé:
- Bo vagina ta kòrá, hinchá, ta grawatá òf ta hasi doló
- Bo vagina por hole diferente. Hopi biaha hende ta pensa ku nan vagina ta hole desagradabel òf fresku
- Por tin deskarga vaginal hel-bèrdè. E por tin un tiki skuma
- Doló ora di uriná
Síntomanan serka hende hòmber (rara bes):
- Kabes di pénis hinchá, kueru kòrá i iritá
- Doló ora di uriná
- Deskarga for di bo pénis
E síntomanan no ta dañoso.
Tratamentu
Triko ta fásil pa trata ku medikamentu. Bo ta kere ku bo por tin e ITS akí? Talbes pasó:
- Bo a hasi sèks sin un kondon
- Bo tin síntoma
- Bo tabatin sèks ku un hende ku tin triko
Bishitá bo dòkter òf CSGC e ora ei pa un tèst di ITS. Si bo a test na CSGC i bo tin triko, na CSGC mes lo bo risibí bo tratamentu.
Otro tópiko
Sigui eksplorá bo salú seksual.
Candidiasis
Tordo ta un infekshon di fungo. Algun fungo a krese muchu den bo kurpa e ora ei. Na bo vagina òf pénis, òf kisas den...
Plateis
Plateis ta insektonan chikitu ku por biba den kabei púbiko. Bo por haña nan den bo kabeinan di wowo, barba òf otro kabei di kurpa....
Sarna
Sarna ta bini di insektonan chikitu (ákaro) ku ta kousa grawatashi. Nan ta subi bo kurpa durante sèks. Of si bo yega hopi serka di...
