Tipo di kondon
Si bo kondon ta pasbo korektamente, lo bo disfrutá mas tantu di sèks. Kondonnan regular ta pas mayoria hende hòmber i mucha hòmber, pero un kondon por ta muchu pèrtá òf hanchu tambe. E por primibo òf slep kita, ke men lo bo ke haña un kondon ku ta presis e tamaño korekto.
Dje manera akí bo ta midié:
- Midi sirkunferensia (hanchura/midí rondó di algu) di bo pénis pará. Bo ta hasi esaki dor di pone un teip di midi rondó di bo pénis na e base, serka di bo pèlvis
- Midi largura di bo pénis pará, for di punta di e pénis te na e base
Riba e website condomerie.com, nan ta bisabo presis kon e midimentu tin ku bai. Einan nan ta bisabo tambe kua kondon lo pasbo. Midi pa haña e kondon korekto
Purba diferente marka i tipo di e mesun tamaño. Esaki lo por hasi un diferensia.
Kondon èkstra fini
Si kondonnan regular no ta konfortabel, purba ku un kondon èkstra fini. Tin biaha bo ta mira lo siguiente riba e paki ‘Ultra Thin’ (Hopi fini) òf ‘Fetherlight’ (Leve manera pluma).
Kondon ku sabor
Tin kondon ku diferente sabor – útil pa sèks oral. Den kaso ku bo ke uza unu pa lembe vagina, djis kòrta e kondon habri. Bo por uza kondon ku sabor tambe pa sèks vaginal i anal.
Kondon pa sèks mas largu
Tin kondon ku por retrasá orgasmo. Riba e paki tin pará ‘Performa’.
Kondon pa hende ku alergia pa latèks
Si bo ta alérgiko pa kondon di latèks, uza kondon trahá di poliuretano òf poliisopreno. Esakinan no ta kontené latèks. Tin biaha nan por ta difísil pa haña. Puntra pa nan na botika.
Kondon pa hende muhé
Un kondon pa hende muhé ta un kondon ku bo ta pone den e vagina na lugá di riba e pénis. Tin biaha nan por ta difísil pa haña. Puntra pa nan na botika òf bishitá Fundashon Famia Plania.
Otro tópiko
Sigui eksplorá bo salú seksual.
Kondon pa hende muhé
Ta yama kondon pa hende muhé, kondon interno òf kondon vaginal tambe. Bo ta hinka un den bo vagina pa fangu e semen. Esaki ta...
Papia tokante kondon
Kuminsá papia di kondon por sinti straño, pero e no mester ta asina. Ta habrí i sigur tokante protekshon ta mustra rèspèt pa bo mes...
Kon pa bisti un kondon
Si bo no bisti un kondon korektamente, e por slep kita òf kibra. E ora ei tin chèns riba un ITS òf embaraso. Ke men,...
