Wakmentu di Porno

Komprondé porno

Tin diferente tipo di porno: porno suave, ku ta mas sugestivo i ta laga algu pa imaginashon, i porno duru, ku ta mustra aktonan seksual eksplísito. Sinembargo, sin wòri ku tipo di porno, kòrda semper: porno no ta bida real.

Hopi biaha porno ta esená i ta enbolbí aktornan. E aktornan por tin kurpanan modifiká òf ta partisipá den senarionan ekstremo ku ta leu for di típiko den relashonnan real. Esaki ta oké den konteksto di fantasia, pero no ferwagt ku bo mes eksperensianan lo ta meskos.

Kosnan esensial pa kòrda:

1. Porno ta fantasia: E no ta meskos ku sèks den bida real i e no ta reflehá tur e maneranan diverso ku hende ta eksperensiá intimidat
2. Sèks den bida real ta diferente: No kompará bo kurpa ku aktornan di porno. Hopi biaha nan ta uza efektonan spesial, makiyahe òf sirugia, i loke bo ta mira riba pantaya no ta un representashon eksakto di mayoria hende.
3. Porno no ta respetuoso tur ora bai: Hopi porno online por ta anti-femenino òf ta reforsá normanan di género insaludabel. Bo por fantasiá ku kiko ku bo ke, pero ta importante pa komprondé ku fantasia i realidat ta diferente.
4. Porno por bira un adikshon: Si bo ta sinti ku bo ta wak mas i mas porno òf ta buskando material mas ekstremo, kisas ta tempu pa tuma un break i reflehá riba bo motibunan pa wak e.

10 Echo tokante porno:

1. Porno no ta sèks real: Kòrda bon ku aktornan ta pretendé. Loke bo ta mira no ta e manera ku mayoria hende ta eksperensiá intimidat.
2. Sèks ta mihó ora e ta simpel: Relashonnan real ta tokante rèspèt mutuo, komunikashon i dibertí huntu. Enfoká riba loke abo i bo partner ta disfrutá di dje.
3. No kompará bo mes: Aktornan di porno ta mustra manera nan ta pa motibu di kámara i edishon. No sintibo di strès pa motibu di bo aparensia òf esun di bo pareha.
4. Uza protekshon: Kontrali na porno, sèks den bida real semper mester inkluí protekshon, manera kondon, pa prevení ITS i embaraso no planiá.
5. Tuma bo tempu: Den bida real, no mester hansha kos. Tene kòmbersashonnan habrí ku bo partner tokante kiko boso tur dos ta disfrutá di dje.
6. Sèks mester ta mutuo: Den porno, hopi biaha ta parse manera kos ku ta un partner so ta disfrutá. Den bida real, tur dos partner mester ta igualmente eksitá i respetá.
7. Ta oké pa bo tuma bo tempu: Hende muhé por tuma mas tempu pa sinti nan mes eksitá i hopi hende hòmber tambe. Pasenshi i komunikashon ta esensial.
8. Amor i konekshon ta importante: Den relashonnan di bida real, amor i rèspèt ta esensial. Sèks no ta solamente tokante plaser físiko, pero tambe tokante konekshon emoshonal.
9. Respetá límitenan semper: Den porno, hopi biaha no tin énfasis riba konsentimentu òf límitenan. Den bida real, semper komuniká i respetá otro su zonanan di komodidat.
10. Sèks anal no ta pa tur hende: Sèks anal no ta un mester, maske ta mustra asina den porno. No ta tur hende ta gust’é. Si bo ta kurioso, komuniká abiertamente ku bo partner i kòrda pa uza protekshon i hopi lubrikashon semper.