Kiko ta konsentimentu?

Puntonan klave tokante konsentimentu:

1. Mester dun’é libremente: Nunka no mester fòrsa, preshoná òf manipulá konsentimentu. Tur hende tin derechi di bisa “nò” na kualke momentu.
2. E mester ta bon kla: Konsentimentu ta nifiká bisa “sí” na un manera entusiasmá i inkonfundibel. Silensio òf falta di resistensia no ta nifiká konsentimentu.
3. Por bòltu un desishon: Bo por kambia di idea na kualke momentu, te asta si bo a bisa “sí” promé.
4. E ta kontinuo: Duna konsentimentu un biaha no ta nifiká ku e ta konta pa tur kos. Bo mester pidi konsentimentu kada bes.

Ehèmpelnan di konsentimentu:

• Den amistat: Puntra, “Mi por fia bo kosnan?” i respetá e kontesta.
• Den relashonnan romántiko: Puntra, “Bo ta konfortabel ku esaki?” i stòp mesora si e
  otro persona bisa “nò” òf ta mustra inkonfortabel.
• Online: Pidi pèrmit promé ku publiká òf kompartí un hende su potrètnan òf informashon privá.

Dikon konsentimentu ta importante?

• E ta demostrá rèspèt: Pidi pa i respetá konsentimentu ta nifiká ku bo tin atenshon pa e otro hende su sintimentu- i límitenan.
• E ta krea konfiansa: Komunikashon kla i honesto ta yuda krea relashonnan saludabel.
• E ta prevení daño: Konsentimentu ta sòru pa tur hende ta konfortabel, loke ta yuda evitá situashonnan doloroso i insigur.

Kon ta pidi pa konsentimentu?
Uza preguntanan manera:

• “Bo ta oké ku esaki?”
• “Ki bo ta pensa di esaki?”
• “Bo ke stòp òf sigui?”

Paga tinu riba lenguahe di kurpa i tono. Si un hende ta mustra inkómodo òf insigur, ta importante pa para ketu i chèk kon ta kuné.

Kòrda bon!
Konsentimentu no ta algu di un biaha so – ta un kòmbersashon kontinuo. Si un hende no ta respetá bo konsentimentu, papia ku un adulto di konfiansa pa yudansa i sosten.