Kiko ta interseksualidat?
Hendenan interseksual ta nase ku tantu karakterístika seksual maskulino komo femenino. Ke men, kisas un hende tin un pénis no-desaroyá i un habrí vaginal òf matris. Of un hende tin un vulva i un klitóris grandi ku ta mustra manera un pénis. Otro hende interseksual tin karakterístika seksual ful desaroyá di 1sekso pero un meskla di hormona-, kromosom- òf genenan femenino i maskulino.
E echo ku un hende tin un kurpa interseksual no ta kousa doló. E no ta algu no-saludabel òf algu ku lo mester drecha.
Mucha hòmber, mucha muhé, homoseksual (gay), heteroseksual (straight)?
No ta semper bo por bisa si un beibi interseksual ta un mucha hòmber òf un mucha muhé. Segun ku nan ta bira mas bieu, mayoria di hende interseksual ta sinti nan mes sea maskulino òf femenino. Un kantidat chikitu di nan ta sinti ku nan ta un kaminda entre hòmber i muhé. Of ningun di esakinan.
Meskos ku den kaso di otro hende, hende interseksual ta homoseksual (gay), lesbiana, heteroseksual (straight), biseksual, panseksual òf aseksual. Pues interseksualidat no ta un preferensia seksual separá.
E diferensia entre interseksualidat i transgénero
Interseksualidat no ta meskos ku trans, transgénero òf transseksual.
Un persona transgénero ta nase komo mucha hòmber, pero ta sinti su mes femenino òf el a nase komo mucha muhé, pero ta sinti su mes maskulino. Otro hende trans, no ta sinti manera niun di dos òf talbes manera tur dos.
Personanan interseksual tin un kombinashon di genital-, hormona-, kromosom- òf genenan maskulino i femenino. Sinembargo, mayoria hende interseksual ta sinti nan mes sea maskulino òf femenino.
Otro tópiko
Sigui eksplorá bo salú seksual.
E sintimentunan ta mutuo?
Pa sa si e sintimentunan ta mutuo, buska señalnan di interes i lenguahe di kurpa positivo di e otro persona. Aki ta sigui algun pista
Kon pa bisti un kondon
Si bo no bisti un kondon korektamente, e por slep kita òf kibra. E ora ei tin chèns riba un ITS òf embaraso. Ke men,...
Salta bo siman sin píldora òf hasié mas kòrtiku
Un siman sin píldora ta dura 7 dia. Loke bo ta hasi ta tuma píldora pa 21 dia i despues bo ta keda sin tuma...
