Kiko pa hasi si bo mira kondukta indeseá

1. Sòru pa bo ta seif promé

• Evaluá e situashon: Promé ku bo intervení, puntra bo mes, “Ta seif pa mi involví mi mes den e asuntu akí?” Si e situashon ta sinti peligroso òf bo no ta sigur, buska yudansa di un otro hende e ora ei. 
• Evitá konfrontashon dirèkt si e ta sinti peligroso: Si e persona ku ta aktua inapropiá ta parse agresivo òf menasante, enfoká riba buska yudansa en bes di intervení bo so. Alertá un hende den outoridat, manera un maestro, un guardia di seguridat òf un adulto di konfiansa, ku por manehá e situashon.    

2. Chèk kon ta ku e persona afektá

Si ta seif, puntra si nan ta oké. Por ehèmpel: 

• “Bo mester di yudansa?”
• “Bo ke nos sali bai huntu?”

Laga nan sa ku bo t’einan pa nan, pero solamente si bo por hasi esaki na un manera seif.

3. Si e ta sinti seif, bo mester ta dirèkt

Si bo ta sinti konfortabel i seif, bo por atendé ku e kondukta na un manera trankil. Por ehèmpel: 

• “Esei no ta oké. Bo mester stòp.”
• “Laga nan na pas.”

Evitá ku e situashon ta eskalá – papia na un manera firme, pero keda trankil.

4. Sostené e persona despues

• Unabes ku e situashon pasa, chèk ku e personá afektá kon e ta sinti.
• Kurashá nan pa papia ku un adulto, konsehero òf servisio di sosten di konfiansa si ta nesesario.

Kiko awor si bo ta insigur?

Ta oké si bo no sa kiko pa hasi mesora. E kos di mas importante ta pa priorisá seguridat – di bo i di e persona afektá. Si intervení ta sinti insigur, enfoká riba buska yudansa serka un hende ku por intervení.

Kòrda bon: Bo no mester manehá tur kos bo so. Bo seguridat semper ta na promé lugá i asta akshonnan chikí manera yama pa yudansa òf mustra sosten por hasi un diferensia grandi.

Si bo tabatin un eksperensia desagradabel, bo por sufri di depreshon, sintimentunan di kulpa òf bèrgwensa, pero tambe di doló di stoma òf pesadia. Siña mas tokante kon pa superá un eksperensia difísil.