Ora bo haña sa

Kiko bo por hasi?

• Lesa storianan di eksperensia personal di hóbennan ku ya ta abiertamente homoseksual, lesbiana òf biseksual. Ta bon pa lesa tokante kon otro hende ta dil kuné.
• Papia ku hende ku bo ta konfia i ku bo ta sinti konfortabel kuné.
• Konektá online ku hendenan ku ta eksperensiando algu similar.
• Komuniká ku gruponan di sosten manera Curaçao Pride i FOKO.

Brasa bo mes

Mundu hopi biaha ta asumí ku hende ta straight. Sinembargo, deskubrí i brasa bo mes identidat ta un biahe bunita. Si bo a lanta den un kas òf komunidat kaminda no tabata abiertamente selebrá  e echo ku bo ta lesbiana, homoseksual, biseksual òf otro, ta importante pa bo sa ku bo sintimentunan ta bálido.

Un arkoiris ta bria fuertemente pasobra e ta trahá di asina tantu koló úniko i vibrante, meskos ku hende. Kada hende tin nan mes kaminda, i esun di bo ta mesun importante i balioso. Bo ta konta i bo manera úniko ta algu pa selebrá.  

Sea fiel na bo mes

Keda fiel na bo mes por ta un reto, spesialmente den komunidatnan ku kisas no ta sostené òf selebrá identidatnan lesbiana, homoseksual òf biseksual kompletamente, pero kòrda semper:   

• Tin hende lesbiana, gay i biseksual rònt mundu.
• Ta lesbiana, homoseksual òf biseksual no ta hasibo un di e erornan di naturalesa. Komportashon di mesun sekso ta bastante komun den e mundu natural. El a keda raportá den mas ku 1500 espesie di animal, inkluso insekto, piská i mamífero.
• Hende religioso por rechasá homoseksualidat, pero esaki no ta konta pa tur hende ku ta religioso. Hende su aktitut pa ku personanan homoseksual, lesbiana i bi, hopi biaha ta diferensiá denter di un solo religion.
• Hende lesbiana, homoseksual i biseksual ta mesun diverso ku kualke otro hende. Algun por ekspresá nan mes na maneranan mas tradishonalmente femenino òf maskulino, meskos ku hende di kualke orientashon. Tur hende ta úniko i e kos di mas importante ta pa brasa e persona ku bo ta.