Ken bo ta gusta?

Chèk lo siguiente:

• Mayoria biaha òf semper bo ta sinti atrakshon romántiko òf seksual pa hende di e mesun sekso òf un sekso similar na esun di bo? Hopi hende ku ta sinti asina ta deskribí nan mes komo lesbiana, gay òf homoseksual.
• Bo ta sinti atrakshon romántiko òf seksual pa hende di diferente sekso tin biaha, inkluso esnan ku talbes si òf talbes no ta aliñá ku bo mes sekso? Hopi hende ku ta sinti asina ta deskribí nan mes komo biseksual òf komo hende ku atrakshon pa diferente sekso.
• Mayoria biaha òf semper, bo ta sinti  atrakshon romántiko òf seksual pa hende di un sekso diferente for di esun di bo? Hende ku ta sinti asina hopi biaha ta deskribí nan mes komo straight òf heteroseksual.

Tin hende no ta eksperensiá atrakshon seksual pa niun hende, sin importá sekso. Nan por deskribí nan mes komo aseksual. 

Kiko awor si bo no sa?

Bo tin duda tokante bo preferensia seksual i bo no por disidí? Lag’é ko’i lòs! Esakinan ta simplemente label. Labelnan ta útil komo un manera rápido pa posishoná un hende un kaminda. Pero pa ta honesto; no ta tur hende bo por pega un label riba dje. 

Tin hende ku no ta sinti nan mes kómodo pa label nan komo lesbiana, homoseksual, biseksual òf heterosexual. Tin hóben tambe ku ta uza otro palabra manera panseksual, queer òf bi-kurioso. Siña mas tokante e términonan akibou. 

• Si bo ta atraé na hende di mas ku un sekso, òf tur sekso, bo por ta panseksual. 

• Queer ta un término general ku ta uza pa deskribí hende ku no ta heteroseksual i/òf cisgénero (cisgénero ta nifiká ku bo no ta kuestioná bo género òf sekso asigná. Bo ta skohe pa identifiká ku loke a asigná bo na nasementu.).

• Ta bi-kurioso ta nifiká ku bo ta interesá den eksplorá atrakshon òf konekshonnan ku hende di e mesun sekso, asta si e ta nobo pa bo.

I tin esnan ku no ta yama nan mes nèt nada. Ta bo ta disidí kua label pa skohe, esta si nan t’ei.