Problema ku e bachi di pénis
Tin mucha hòmber ta haña nan ku un difikultat pa hala nan bachi di pénis atras na e manera korekto. Masturbá òf hasi sèks ta hasi doló. Ademas, ta imposibel pa limpia bo glans korektamente. 2 kos por ta kousa esaki.
- Bo bachi di pénis ta muchu pèrtá: No por hala e bachi di pénis atras, pasó e habrí di e bachi di pénis no ta sufisientemente grandi.
- E frenio ta muchu kòrtiku: E frenio mester ta sufisiente largu pa permití e bachi di pénis hala atras suavemente. Ora e frenio ta muchu kòrtiku e ta kousa doló i molèster ora hala e bachi di pénis atras.
Ehersisio den kaso di un bachi di pénis pèrtá
Si bo tin sigur ku e problema ta un bachi di pénis ku ta muchu pèrtá, bo por purba di lòs’é ku un seri di ehersisio di rèkmentu.
- Tur dia di nobo, purba hala e bachi di pénis un tiki mas atras for di e glans. Hasi esaki miéntras bo pénis ta slap.
- Bai hopi poko poko, no fòrsa nada. Uza lubrikante si ta nesesario.
- Si esaki bai bon, bo por purba e ehersisio di rèkmentu akí ora bo pénis ta duru tambe.
- Si bo no ta mira niun mehorashon denter di algun luna, bishitá bo dòkter pa konseho.
Frenio muchu kòrtiku? Bishitá bo dòkter
Serka algun mucha hòmber, e frenio ta muchu kòrtiku. Esaki por ta doloroso ora bo tin un erekshon. No por hala e bachi di pénis kompletamente atras for di e glans. Ora bo purba hasi esaki, bo ta sinti ku bo glans tambe ta hala atras, presis na e punto kaminda e frenio ta. Un dòkter por kòrta lòs e frenio. Bishitá bo dòkter pa konseho.
Otro tópiko
Sigui eksplorá bo salú seksual.
Eyakulashon
Ora bo tin un orgasmo, bo ta eyakulá. Semen ta sali for di bo pénis dor di bo uretra. Nos ta yama esaki eyakulá òf...
E Skrotem
E skrotem lo mustra diferente serka kada hende: grandi, chikitu, iploi òf basta lizu, ku òf sin kabei. Generalmente un testíkulo ta kologá un poko...
Erekshon
Un erekshon ta nifiká ku bo pénis ta bira duru i para stret. Esaki ta sosodé ora bo ta seksualmente eksitá. Tin biaha e ta...
