7 tep pa positividat di kurpa

Kon pa sintibo konfortabel den bo mes kueru: 7 tep pa positividat di kurpa

Sintibo kómodo den bo mes kueru ta kuminsá ku aseptashon propio i kuido propio. E tepnan aki lo yudabo brasa bo beyesa úniko i konstruí konfiansa di paden bai pafó.

1. Selebrá bo viktorianan: Tuma un momentu pa rekonosé tres kos ku bo ta orguyoso di dje. Kisas bo ta un gran amigu, bo ta pashoná pa bo hòbinan òf bo tin un abilidat pa pone otronan hari. Enfoká riba bo puntonan fuerte i laga nan bria.

2. Apresiá bo kurpa: Para dilanti di un spil i apresiá loke ta hasi bo bunita na un manera úniko. Bo wowonan briante, pianan fuerte, sonrisa radiante òf e manera ku bo dempelnan  ta mustra ora bo hari—semper tin algu pa selebrá. Amor propio ta kuminsá ku rekonosé e bunitesa ku bo ta poseé kaba. 

3. Stòp di kompará bo mes: Hopi biaha, medionan sosial i kultura di hende famoso ta pone normanan irealístiko di beyesa. No lubidá ku hopi di e imágennan ku bo ta mira ta filtrá, editá i esená. E berdadero poder ta sintá den brasa bo mes outéntiko manera bo ta, ku defekto i tur. 

4. Partisipá den aktividatnan ku bo ta gusta: Hasi loke ta dunabo felisidat! Sea ta balia, landa, kana òf disfrutá di un anochi di wega ku amigunan, dibertishon i harimentu ta oumentá bo konfiansa di forma natural i ta yudabo sintibo mas konektá ku bo kurpa i spiritu. 

5. Move bo kurpa: Ehersisio no ta djis un asuntu di aparensia; e ta tokante sintibo bon. Move bo kurpa ta saka endorfina ku ta mehorá bo estado di ánimo i nivelnan di energia. Buska un aktividat ku bo ta stima—yoga, landamentu òf asta un kaminata na playa—i hasié parti di bo rutina.  

6. Praktiká kuido propio: Tuma tempu pa kuida bo mes. Bisti paña ku ta ponebo sintibo sigur i kómodo. Invertí den kuido di kueru, uza bo fragansia faborito òf dal un ducha refreskante miéntras bo ta konsiente di medio-ambiente i bo presupuesto. Ora bo ta sintibo bon tokante kon bo ta kuida bo kurpa, esaki lo mehorá bo konfiansa propio.

7. Trata bo mes ku kariño: Rekompensá bo mes pa bo trabou duru i logronan. Sea ta dor di tuma un pousa òf simplemente satisfasé e deseo di praktiká un hòbi ku bo ta stima, trata bo mes ku kariño ta reforsá bo balor i ta yudabo apresiá e tremendo hende ku bo ta.

Kòrda bon!

Positividat di kurpa no ta tokante perfekshon; e ta tokante amor propio, kuido i brasa e hende úniko ku bo ta.