Abuzu seksual digital

• Kompartí imágennan privá sin konsentimentu:Un hende ta publiká òf manda potrèt òf video íntimo di bo sin bo pèrmit
• Preshoná bo pa potrèt òf filmashon sunú: Un persona ta keda pidi pa potrèt òf video seksual, asta despues ku bo bisa nò
• Grabashon òf streaming sin konsentimentu: Un hende ta graba momentunan íntimo sekretamente i ta kompartí nan
• Menasa i chantahe: Un persona ta fòrsabo pa manda kontenido eksplísito dor di menasá di kompartí algu privá òf bèrgonsoso
• Mensahenan seksual indeseá: Bo ta risibí mensahe- òf potrètnan eksplísito ku ta hasi bo inkómodo

Kon e ta afektá bo?

Eksperensiá abuzu seksual digital por ponebo sinti bèrgwensa, spantá òf impotente. Bo por preokupá tokante kiko hende lo pensa òf sinti manera bo a pèrdè kontrol di bo privasidat. E por kondusí tambe na strès, ansiedat, depreshon òf asta intimidashon.

Kiko bo por hasi?

Sa ku no ta bo falta: Niun hende no tin derechi di preshoná bo òf kompartí bo kontenido privá

Protehá bo privasidat: Tene kuidou ku loke bo ta kompartí online i ku ken. Uza konfigurashonnan di privasidat i evitá di warda imágennan sensitivo riba bo telefòn

Blòkia i raportá: Si un hende ta molestiá bo, blòkia nan i raportá nan komportashon na e plataforma òf outoridatnan

Papia ku un hende: Si bo ta eksperensiá abuzu seksual digital, papia ku un amigu di konfiansa, adulto òf profeshonal na Bos di Hubentut òf Ayudo pa Mucha i Hóben.

Konosé bo derechinan – Kompartí imágennan íntimo sin konsentimentu ta un violashon serio i den hopi kaso, e ta ilegal. Si esaki sosodé ku bo, bo tin derechi di buska yudansa i tuma akshon hurídiko. Si bo a keda afektá, bo por tuma kontakto ku polis na e siguiente numbernan: 

• 911: Emergensia
• 917: No Emergensia
• 108: Raportá anónimamente

Bo meresé rèspèt online i offline

Bo kurpa i privasidat ta di bo. Si un hende krusa bo límitenan online, buska sosten. Bo no ta bo so i yudansa ta disponibel.