10 tep pa konektá ku un hende ku bo gusta
Amor por ta eksitante, konfuso i tin biaha e por turdí bo un tiki tambe. Bo por hañabo ta pensa riba un hende tur ora bai, ta puntra bo mes kon nan ta sinti tokante bo òf ta kuestioná unda bo ta pará.
Ora bo gusta un hende di bèrdat, kosnan simpel – manera haña un mensahe di nan òf tende nan bos – por alegrá bo dia. Bo por sintibo nervioso rondó di nan òf hañabo ta analisá kada interakshon di mas. E sintimentunan aki ta normal i nan tur ta parti di saka afó kiko amor ta nifiká pa bo.
- Hasi kontakto visual:E gesto simpel akí por krea un konekshon i mustra interes sin palabra.
- Sòru pa bo ta den serkania: Posishoná bo mes di forma kasual na un manera ku ta pèrmití interakshon natural.
- Kuminsá un kòmbersashon: Hasi preguntanan habrí i mustra ku bo ta bèrdaderamente kurioso tokante nan.
- Sonrisa – Un sonrisa kaluroso por hasibo mas aserkabel i fiha un tono positivo.
- Mishi di forma kasual: Un toke lihé i aksidental por señalá interes. Sòru pa bo ta sutil i evitá di surpasá límitenan.
- Chèt online: Si interakshonnan den persona ta difísil, uza plataformanan online pa sera konosí mihó ku nan.
- Tene pasenshi: Por tuma tempu pa un konekshon forma, ke men no hasi kosnan lihé.
- No preshoná: Aktivá solamente ora bo ta sintibo kla. No laga otronan hanshabo pa dal un stap.
- Sòru pa bo ta fiel na bo mes: Aktua na un manera ku ta sinti natural. Si bo ta tímido, no fòrsa moveshonnan balente i bisti loke ta ponebo sintibo kómodo.
- Duna un kòmplimènt: Un kòmplimènt sinsero ta mustra ku bo ta apresiá nan i ta kere ku nan ta spesial.
Otro tópiko
Sigui eksplorá bo salú seksual.
E sintimentunan ta mutuo?
Pa sa si e sintimentunan ta mutuo, buska señalnan di interes i lenguahe di kurpa positivo di e otro persona. Aki ta sigui algun pista
HIV
HIV ta un ITS. Bo ta pega otro durante sèks, spesialmente si bo no ta uza kondon. Si bo tin HIV i ta risibí tratamentu,...
Selebrá bo kultura i fortifiká amor propio
Kultura ta e manera ku un grupo di hende ta biba, ekspresá nan mes i kompartí kosnan manera tradishon, idioma, müzik i kreensia. E ta...
