Bo ta kla?
Bo ta pensando riba tene relashon seksual pa promé biaha? Ta un desishon grandi i ta oké pa tuma bo tempu. No tin un fecha límite i nada di preshon, solamente loke ta sinti korekto pa abo.
Tin hende sa gewon ki ora nan ta kla, miéntras ku otronan ta tuma tempu pa haña sa esaki. Si bo no ta sigur, hasi bo mes e sinku preguntanan importante akí:
- Mi ke esaki di bèrdat?
Mi ta entusiasmá kuné òf mi ta sintimi bou di preshon? Nunka bo no mester tin sèks djis pasobra un otro hende ke pa bo hasié òf pasobra bo ta sinti ku bo “mester.” - Mi ta konfia mi partner?
Sèks ta tokante vulnerabilidat. Bo ta sintibo kómodo ku e persona akí? Bo por papia abiertamente tokante bo sintimentu-, límitenan i protekshon? - Esaki ta mi skohensia?
Si bo partner ta blo pone preshon òf ta ponebo sintibo kulpabel pa bisa “nò,” esaki ta un bandera kòrá. Sèks semper mester ta un desishon mutuo, liber di preshon òf ekspektativa. - Mi sa kon mi tin ku protehá mi mes?
Promé ku tene relashon seksual, ta importante pa sa kon pa prevení ITS i embaraso no-planiá. Sòru pa bo siña tokante kondon i antikonseptivo promé ku bo tene relashon seksual. - Mi fe òf kultura ta influensiá mi desishon?
Pa sierto hende, balornan personal, kreensia religioso òf ekspektativa di famia ta hunga un ròl den nan desishon pa warda. I esaki ta algu bon, semper ta bo skohensia.
Otro tópiko
Sigui eksplorá bo salú seksual.
E promé biaha: Kiko pa ferwagt
No tin un manera so pa eksperensiá sèks pa promé biaha i no tin un lista di verifikashon ku bo mester sigui. Aki ta sigui...
Prepará pa e promé biaha
Hopi hende ta sinti nèrvioso tokante nan promé eksperensia seksual. Esaki ta kompletamente normal! No tin purá i no tin niun manera “perfekto” pa hasié....
Papia tokante antikonseptivo
Píldora i otro antikonseptivo ta protehá kontra embaraso, pero kon bo papiá tokante tur esaki?
