Papia tokante antikonseptivo
Píldora i otro antikonseptivo ta protehá kontra embaraso, pero kon bo papiá tokante tur esaki?
Tep pa mucha muhé
Abo ta disidí si bo ke haña yu i ki ora. Skohe e antikonseptivo ku ta funshoná mihó pa bo, i un partner di sosten lo respetá bo skohensianan i kompartí e responsabilidat.
- Tene un kòmbersashon habrí ku bo partner tokante uzo di antikonseptivo – e ta un responsabilidat kompartí.
- Kurashá bo partner pa eksplorá e website akí pa siña mas tokante e diferente opshonnan di antikonseptivo ku tin.
- Diskutí kua antikonseptivo ta mihó pa bo nesesidatnan. Chèk tiponan di antikonseptivo ku no ta píldora tambe.
- Traha un sita ku bo dòkter pa eksplorá bo opshonnan òf pasa na Fundashon Famia Planiá.
Tep pa mucha hòmber
Meskos ta konta pa mucha hòmber: si bo no ke un ITS òf saka un hende na estado, sòru pa semper bo tene relashon seksual ku un kondon!
- Tene un kòmbersashon habrí ku bo partner tokante uzo di antikonseptivo – e ta un responsabilidat kompartí.
- Informá bo mes tokante e diferente métodonan antikonseptivo ku tin disponibel
- Sostené bo partner den e antikonseptivo di su skohensia
- Ofresé pa kompañ’é bai su dòkter pa sitanan tokante antikonseptivo
Kòrda bon!
Si bo ke stòp di uza kondon i uza solamente píldora òf un otro tipo di antikonseptivo, hasi un tèst di ITS promé.
Otro tópiko
Sigui eksplorá bo salú seksual.
Salta bo siman sin píldora òf hasié mas kòrtiku
Un siman sin píldora ta dura 7 dia. Loke bo ta hasi ta tuma píldora pa 21 dia i despues bo ta keda sin tuma...
B’a salta un píldora?
Hopi mucha muhé ta lubidá di tuma píldora tin biaha. Of nan a saka òf tabatin diarea, pues e píldora ta ménos efikas. Tin hopi...
Kon pa tuma píldora
Normalmente ta yama e píldora antikonseptivo ‘píldora’. Si un hende muhé ta tuma un tablèt pa dia, hormonanan ku ta keda mandá den su kurpa...
