Bo ta transgénero?

Kon pa haña sa: algun tep

Konfia bo sintimentunan i duna bo mes tempu pa deskubrí esaki.

• Buska informashon online tokante transgénero.
• Lesa tokante eksperensianan di hóbennan transgénero òf wak video riba e tema.
• Buska kontakto ku hóbennan trans i papia tokante esaki.
• Papia tokante esaki ku un hende ku bo ta konfia. Esaki por ta un amigu, adulto di konfiansa òf organisashon di sosten manera FOKO òf Curaçao Pride.

Otronan manera bo

Kisas bo ta kere ku ta abo so ta asina, pero esaki no ta bèrdat! Buska i drenta den kontakto ku otro hende transgénero. Organisashonnan manera FOKO i Curaçao Pride por yudabo ku esaki. Esaki ta e manera pa haña sa ken bo ta i kiko bo mester. I lo bo no sintibo asina ‘diferente’ òf kisas bo so.

Bisa hende

Por ta bon pa bisa un hende ku bo ta transgénero òf ku bo ta pensa ku bo por ta. Esaki por ta bo mayor-òf amigunan òf un hende di konfiansa. E por ta tambe un hende di organisashonnan di sosten manera FOKO òf Curaçao Pride. Bo por konta nan bo storia. Nan por guiabo ora bo ta kla pa bisa bo mayornan, famia of amigunan.

Den transishon

Ora bo kuminsá biba ‘den’ e género ku bo ta sintibo kómodo kuné, ta yama esaki: transishon. Bo ta kuminsá biba segun e manera ku bo ta sintibo: komo un hende muhé, un hende hòmber, algu entre òf pafó di nan dos. No ta tur hende transgénero ke transishoná. Averiguá kiko ta mihó pa bo i kiko ta bo nesesidatnan.