Buska yudansa
Si algu ta molestiá bo, papia di dje ta un alivio! Bo por hasi esaki ku un hende ku bo konosé. Bo por papia tambe ku un hende ku bo no konosé, manera un profeshonal di kuido médiko òf un hende di un organisashon di sosten manera FOKO i Curaçao Pride. Of bo por hasi preguntanan anónimo riba internèt.
Papia riba sintimentunan transgénero
- Transtopia na Foko ta ofresé sosten na kualke hende na Kòrsou ku ta buskando un kaminda pa ekspresá nan sintimentunan gay, lesbiana, biseksual òf transgénero.
Amor, sèks i relashon
- Konseho Personal: Chat, email òf yama Ayudo pa Mucha i Hóben.
- Terapista di sèks: un terapista di sèks por yuda bo ku problemanan seksual. Por ehèmpel: si bo ke ta den estado di ánimo pa sèks mas tantu – òf ménos – si bo no por haña un orgasmo, òf si bo no ta sintibo bon ora di hasi amor. Na Kòrsou e kantidat di sikólogo spesialisá den terapia seksual ta limitá. Pero papia ku bo dòkter di kas pa haña un referensia pa un terapista seksual.
Ta bon pa tuma nota ku no ta tur terapista di sèks tin mesun konosementu tokante hende transgénero i sèks. Keda enfatisá serka bo dòkter ku bo ke un referensia pa un hende ku tin e ekspertisio akí. Si esaki no ta posibel, por tin algun opshon di terapia online, sinembargo generalmente bo dunadó di seguro no ta kubri esaki.
Otro tópiko
Sigui eksplorá bo salú seksual.
Ken ta atraé bo?
Hende ku ta transgénero por ta homoseksual, lesbiana, bi òf hetero. Ken ta atraé bo? Of bo no ta pas den un kategoria spesífiko?
Namorá di un persona transgénero
Bo ta namorá di un hende ku ta transgénero? Esaki por tuma tempu pa kustumá kuné. E persona ku bo a namorá di dje ta...
Namorá i sali huntu
Namorá ta great! Pero ta namorá por ta konfuso tambe. Esaki sigur ta e kaso ora bo tin sintimentunan transgénero. Bo pareha sa di bo?...
