Chulonan seduktor (loverboys)
Un chulo seduktor ta un persona, generalmente un hòmber òf mucha hòmber, ku ta kuminsá un relashon ku un mucha muhé pa solamente 1 motibu: pa gana plaka dor di pon’é hasi trabou seksual.
E ta mustra realmente amabel…
Un chulo seduktor ta mustra manera un tipo realmente amabel na promé instante. E ta halabo aden, por ehèmpel riba Snapchat, Instagram òf TikTok. E ta duna bo regalonan karu, ta bañabo ku kòmplimènt i ta lagabo sinti spesial. E ta manipulá bo pa bo namorá di dje i ta ponebo kere ku boso lo hasi tur kos pa otro.
Debolbé e fabor
Na un sierto momentu, un chulo seduktor lo kuminsá pidi fabor. E ta kuminsá ku kosnan chikitu, manera dunamentu di plaka na nan, pero ta kulminá den mas i mas kos ku e mucha muhé mester hasi. E chulo seduktor ta fòrsa e damita pa drumi ku otro hòmber i pa dun’é e sèn.
I si bo no hasié?
Si bo no hasié, e ta obligá bo pa hasié. E por menasá bo ku algu, ta violento, òf kisas e ta drogabo. Hopi biaha, e ta sòru pa bo ta isolá for di famia òf amigunan pa limitá bo ret di sosten. Esaki ta minimalisá e chèns ku bo ta bai buska yudansa.
Esaki ta zona manera bo situashon?
Buska yudansa mesora. Loke a pasa ku bo no ta bon i tin yudansa disponibel eifó.
Polis
- 911: Emergensia
- 917: No Emergensia
- 108: Raportá anónimamente
Protekshon di Mucha
- 918 : Ayudo pa Mucha i Hóben. Telefòn di yudansa pa mucha i hóben, grátis i anónimo.
- +5999 461 4444: Protekshon di Mucha – kontakto pa adulto
- +5999 461 8103: Pa guia relashoná ku abuzu seksual.
Otro tópiko
Sigui eksplorá bo salú seksual.
Sèks kontra bo boluntat
A konvensé 1 di kada 6 mucha muhé i 1 di kada 25 mucha hòmber pa tene relashon seksual. Esaki ta nifiká ku hopi hóben...
Abuzu seksual digital
Abuzu seksual digital ta sosodé ora un hende ta uza teknologia – manera medionan sosial, aplikashonnan pa manda mensahe òf internèt – pa surpasá bo...
Kiko ta abuzu?
Abuzu ta ora un hende okashoná doló na òf maltratá un otro persona. Esaki por sosodé na diferente manera, por ehèmpel hasi un hende doló...
