Kondon pa hende muhé
Ta yama kondon pa hende muhé, kondon interno òf kondon vaginal tambe. Bo ta hinka un den bo vagina pa fangu e semen. Esaki ta prevení bo di sali na estado i tin ménos chèns riba un ITS. Un kondon pa hende muhé parse un saku di plèstik chikí i tin un renchi fleksibel na kada banda.
Kon pa uza e kondon akí?
Bo mes por hinka e kondon pa hende muhé aden:
- Lesa e instrukshonnan promé. Bo ta haña nan den e paki
- Pone e renchi chikitu den bo vagina. E renchi mas grandi ta keda na parti pafó di e vagina, sosegando kontra e labianan (ploinan di kueru)
- Awor bo por tene relashon seksual
- Tempu pa kita e kondon pa hende muhé? Twist i drai e renchi pafó i kuidadosamente hala e kondon for di e vagina
Unda bo por haña kondon pa hende muhé?
Tin biaha nan por ta difísil pa haña. Puntra pa nan na botika òf bishitá Fundashon Famia Planiá.
Bentaha i desbentaha
Bentaha:
- Kondon pa hende muhé ta protehá kontra ITS i embaraso
- Bo por hinka un kondon pa hende muhé promé ku bo tene relashon seksual. Esaki ta nifiká ku bo no mester stòp miéntras bo ta tene relashon seksual
- Bo no mester saka un kondon pa hende muhé afó mesora despues di tene relashon seksual, bo por lag’é aden pa un ratu
- Durante bo menstruashon, un kondon pa hende muhé ta un barera pa e sanger
- Nan no ta kontené hormonanan manera píldora òf IUS
- Bo mes por hink’é aden
Desbentaha:
- Nan por ta karu i hopi biaha bo no ta haña nan fásilmente
- Bo por mir’é parti pafó di e vagina
Otro tópiko
Sigui eksplorá bo salú seksual.
Tipo di kondon
Si bo kondon ta pasbo korektamente, lo bo disfrutá mas tantu di sèks. Kondonnan regular ta pas mayoria hende hòmber i mucha hòmber, pero un...
Papia tokante kondon
Kuminsá papia di kondon por sinti straño, pero e no mester ta asina. Ta habrí i sigur tokante protekshon ta mustra rèspèt pa bo mes...
Kon pa bisti un kondon
Si bo no bisti un kondon korektamente, e por slep kita òf kibra. E ora ei tin chèns riba un ITS òf embaraso. Ke men,...
