Koketiá online

Bo a topa un hende online? Eksitante!

Respetá límitenan i mantené esaki dibertido:

• Sòru pa e kombersashon ta dibertido i mutuo, buskando interesnan komun pa papia di dje.

• Semper konfia bo instintonan ku ta oké pa hala kita for di e kòmbersashon, si e no ta sinti bon.

Kon pa keda seif

Koketiá i sali ku hende online por ta dibertido i eksitante, pero tin kosnan pa ta konsiente di dje. Por ehèmpel, tin hende ku por purba manipulá òf gañabo, manera “eksplotadónan” ku ta pretendé di ta di bo edat pero en realidat ta adulto, òf chulonan seduktor (loverboys). Pa koketiá online i sali seif ku hende, paga tinu ku lo siguiente:

• No agregá hende straño komo amigu riba medionan sosial.
• Personalisá bo konfigurashon di privasidat pa hende straño no por wak bo profil òf potrètnan.
• Nunka no duna bo adrès òf number di telefòn ku no ta te ora bo ta apsolutamente sigur ku e persona ta e hende ku e ta bisa ku e ta.
• Si un hende ta parse sospechoso online, òf si bo ta sintibo inkómodo, kibra kontakto i papia ku un hende ku bo ta konfia. Bo por papia ku un hende tambe na Bos di Hubentut, Ayudo pa Mucha I Hóben òf Biba Amor 

Move di online pa bida real: 

Si bo ta pensando riba salimentu online ku hende, aki ta sigui algun manera pa hasi esaki kómodamente:

• No primintí nada promé ku bo topa un hende personalmente- laga kosnan desaroyá naturalmente.
• Laga un hende serka di bo (un amigu, miembro di famia, òf kualke hende ku bo ta konfia) sa tokante bo plannan, inkluso unda i ki ora bo ta topa.
• Bin ku bo telefòn i kargadó pa bo por keda konektá i tuma kontakto ku un hende si kosnan ta parsebo straño. Sòru pa bo tin krédito òf data.
• Topa na un lugá públiko ku hopi hende rondó di bo.
• Regla pa un hende chèk si tur kos ta bon ku bo durante e sita. Si kosnan no ta bayendo bon, nan por yudabo bandoná e sitio dor di yama ku un èksküs di emergensia.