Kon ta hasi tèst di ITS na CSGC?

Pa kua ITS nan lo tèstbo?

Na CSGC, den mayoria di kaso nan lo tèstbo riba e 5 ITSnan di mas komun, esta klamidia, gonorea, sífilis, HIV i Hepatitis B. Si ta necesario, por hasi test riba e otro MTS tambe.

Tèstmentu ta pòrnada pa tur hende ku ta biba riba e isla.

Síntomanan

Ta diagnostiká algun ITS a base di bo síntomanan:

• Por diagnostiká frètnan genital solamente ora bo tin síntoma
• Meskos ta konta pa herpes, ounke sa tèst e líkido den e heridanan tambe tin biaha
• Ta diagnostiká sarna i plateis tambe a base di síntoma

Ke men, e tèstnan ku bo mester hasi ta dependé di bo síntomanan i e manera ku bo a tene relashon seksual.

Kon ta tèstbo?

Ta realisá tèstnan di ITS na diferente manera:

• Tèst di urina (hende hòmber)
• Tèst di sanger (hende hòmber i hende muhé)
• Mònster (vagina pa hende muhé i anus i garganta pa hende hòmber i hende muhé)

E tipo di tèst ta dependé di bo síntomanan i e tipo di sèks ku bo ta hasi. P’esei ta importante pa papia esaki ku e dòkter òf enfermero.

Mònster

Mònster tumá for di vagina

Un enfermero ta tuma e mònster vaginal. Asin’akí e ta bai: 

• E enfermero ta hinka un palitu di katuna di 5-6cm den e vagina
• E enfermero ta pasa e mònster kantu di e muraya vaginal pa 5-10 sekònde

Un mònster for di bo vagina no ta difísil pa hasi i e no ta hasi doló. Por hasi un mònster vaginal tambe si bo ta menstruando na momentu di e sita.

Mònster tumá for di pénis
Tin deskarga hel òf bèrdè for di bo pénis? E ora ei e enfermero por uza un palitu di katuna pa kita un tiki líkido for di punta di bo pénis. Esaki no ta hasi doló. Nan lo no hinka e katuna den bo pénis. 

Mònster tumá for di anus

Bo a yega di hasi sèks anal? E ora ei e enfermero por tuma un mònster for di bo anus. E ta bai asin’akí:

• E enfermero ta hinka e palitu di katuna i ta pasa esaki kantu di e muraya di bo anus pa 10 sekònde

Mònster tumá for di garganta
Tin biaha ta tuma un mònster for di bo garganta. E enfermero òf dòkter ta pasa e katuna na parti patras di bo garganta. Esaki no ta hasi doló.

Resultado

Unabes ku e resultadonan ta konosí, normalmente denter di un siman, e enfermero na CSGC lo yamabo pa bo risibí bo resultadonan.

Ta un ITS?

E resultado lo ta negativo òf positivo. Negativo ta nifiká ku bo no tin un ITS. Positivo ta nifiká ku bo tin un ITS.

Bo no tin un ITS

E ora ei lo bo no tin mester di ningun tratamentu. Uza kondon ora bo ta hasi sèks. E ora ei bo tin ménos chèns di haña un ITS.

Bo tin un ITS

E ora ei generalmente lo dunabo tratamentu. Esaki mester deshasí di e síntomanan òf yuda nan kura.

Resultado di tèst di HIV

Bo dòkter òf enfermero lo papia ku bo tokante resultado di un tèst di HIV.

Bo mester di yudansa?

Ta difísil pa bo bisa bo partner ku bo tin un ITS? E enfermero di CSGC òf bo dòkter lo ofresé guia ku spièrtámentu di partnernan.

Si spièrta’bo ku bo por tin un ITS, tuma esaki na serio. Hasi un tèst di ITS, asta si bo no tin ningun síntoma.