Dikon mester hasi un tèst di ITS
Bo ta kere ku bo por tin un ITS? Talbes pasó bo tin síntoma òf a hasi sèks sin kondon? Of un hende ku bo tabatin sèks kuné tin un ITS? Bo por laga nan tèstbo riba ITS. E ora ei bo por sa sigur si bo tin e òf nò.
Un tèst di ITS ta bisabo si bo tin un ITS òf nò. Mayoria ITS ta fásil pa trata.
Unda pa laga nan tèstbo:
- Sentro pa Salubridat Seksual Kòrsou (CSGC): Tur miembro di komunidat ta bon biní na CSGC pa tèstnan di ITS pòrnada. Tuma kontakto ku CSGC pa regla bo tèst di ITS.
- Referensia di dòkter: Bo por bishita bo Dòkter di Kas i pidi pa un tèst di ITS. Bo dòkter lo dunabo un formulario di laboratorio, ku bo por hiba na kualke un di e tres laboratorionan riba e isla pa bo tèst: Analytisch Diagnostisch Centrum (ADC), Laboratorio de Medicos (Lab de Med) òf Medical Laboratories Services Curaçao (MLS). Si bo tin seguro di malesa lokal, esaki lo kubri e tèst.
- Laboratorionan: Tambe bo por akudí direktamente na kualke un di e tres laboratorionan riba e isla, Analytisch Diagnostisch Centrum (ADC), Laboratorio de Medicos (Lab de Med) òf Medical Laboratories Services Curaçao (MLS) i pidi pa un tèst di ITS. Laboratorionan ta kobra un tarifa pa e tèstnan akí, ku bo mes lo mester paga.
Ki ora bo mester laga nan tèstbo?
- Bo a hasi sèks sin un kondon
- Un hende ku bo a hasi sèks kuné tin un ITS
- Bo tin síntomanan manera frèt, blar, doló ora di uriná òf deskarga ku ta mas ku nòrmal i ku ta mustra otro
- Regularmente, bo ta hasi sèks ku un hende i bo ke stòp di uza kondon
- Bo ta na estado i no ke pega bo yu ku niun ITS
- A fòrsabo pa hasi sèks
Dikon mester hasi tèst?
- Si bo tin un ITS, bo por pega un otro hende
- Mayoria ITS ta fásil pa trata
- Si bo no laga trata bo ITS, bo por hañabo ku algun síntoma inplasentero
Bo sa tin sèks kasual?
- Uza un kondon kada biaha ku bo hasi sèks
- Sòru pa laga nan tèstbo riba ITS i HIV por lo ménos kada 6 luna
- Bo ta un hòmber ku ta hasi sèks ku otro hende hòmber? Buska bo bakunashon kontra hepatitis B na CSGC
- Protehá bo mes kontra kanser kousá dor di VPH dor di buska un bakunashon kontra VPH
Hòmber ku otro hòmber
Si bo ta un hòmber ku ta hasi sèks ku otro hòmber, laga nan tèstbo riba ITS i HIV kada 6 luna.
Otro tópiko
Sigui eksplorá bo salú seksual.
Kon ta hasi tèst di ITS na CSGC?
Tèstnan di ITS semper ta kuminsá ku un kòmbersashon. E enfermero ta hasi pregunta tokante bo síntomanan i bo bida seksual. Nan lo splika tambe...
Sigui ku embaraso?
Si e tèst di embaraso ta positivo, bo ta na estado. Kisas ta algu ku bo tabata ke realmente i bo ta kontentu ku esaki....
E promé biaha: Kiko pa ferwagt
No tin un manera so pa eksperensiá sèks pa promé biaha i no tin un lista di verifikashon ku bo mester sigui. Aki ta sigui...
