Kon pa bisti un kondon

Kon pa bisti un kondon korektamente

1. Habrié ku kuidou
   Habri e paki di kondon suavemente ku bo dedenan—sin djente, skèr òf uña skèrpi! Sòru pa bo no sker e kondon kibra.
2. Chèk e banda korekto
   Sòru pa e kondon ta lorá na e manera korekto promé ku bo bistié. Tene e rant entre bo duim i bo dede mustradó i sinti suavemente kua banda  e ta lora habri. E banda lorá mester ta na e parti pafó. Kinipí punta di e kondon ku bo dedenan pa saka airu – esaki ta yuda evitá ku e ta kibra.  
3. Kinipí & Lora
   Kinipí punta di e kondon (esaki ta laga espasio pa semen) i pone esaki riba e pénis pará. Miéntras bo ta kinipí punta di e kondon, uza bo otro man pa lora esaki bai abou kompletamente riba e pénis. Si e no ta lora bai abou, kuminsá atrobe ku un kondon nobo.
4. Despues di sèks
   Unabes ku bo a haña un orgasmo, hala afó promé ku e pénis bira slap. Tene e kondon na e base miéntras bo ta hala afó pa evitá ku e ta slep kita. Mara un kònòpi den dje i bent’é den un ko’i shushi (no den wc!).  

Tep pa uza kondon 

Ehersisio ta hasi maestro

• Si bo ta nobo den uzo di kondon, praktiká di antemano. Purba pone un riba bo mes pénis òf un bakoba. Bo por praktiká tambe riba dos dede di un amigu (ku su konsentimentu)

Skohe i atendé ku kondon

• Uza kondon di kalidat haltu ku un marka di CE (Europa) òf aprobashon di FDA (Merka)
• Kontrolá e fecha di vensementu semper- kondon ku a vense por kibra i no ta sigur
• Habri e kondon kuidadosamente – nunka no uza djente, skèr òf ophetonan skèrpi
• Primi punta di e kondon ku bo dùim i dede mustradó miéntras bo ta lora bisti esaki. Un triki útil ta pa twist e punta pa sigurá ku tin espasio pa semen.
• Lora e kondon bai abou solamente ora e pénis ta kompletamente pará pa e pas bon.

Hasi uzo di lubrikante na un manera sigur

• Skohe lubrikantenan a base di awa òf silikon—otronan por daña e kondon i hasié no sigur
• Evitá krema, loshon di kurpa, zeta òf zjèl riba bo pénis, man òf kurpa ora bo ta uza un kondon

 Durante i despues di sèks

• Uza un kondon nobo si sèks ta dura mas ku 15 minüt
• Saka bo pénis mesora despues di orgasmo
• Tene base di e kondon miéntras bo ta hala afó pa evitá ku e ta slip kita
• Si bo ke sigui tene relashon seksual despues di orgasmo, uza un kondon nobo
• Nunka no uza mas ku un kondon pareu – un kondon so ta mas seif ora ku uz’é korektamente

Práktikanan di sèks sigur

• Si ta kambia entre sèks vaginal i anal, semper uza un kondon nobo pa redusí e rísiko di infekshon.