Buskando yudansa?
Si tin algu ku ta molestiá bo, papia di dje por trese un sentido di alivio. Bo por papia ku un hende ku bo ta konfia òf aserká organisashonnan di sosten manera FOKO i Curaçao Pride.
Unda bo por akudí? (Algun tep)
- Skol: tene un bon kòmbersashon ku bo trahadó sosial di skol tokante kon pa atendé ku bo problemanan.
- Organisashonnan LGBT: FOKO i Curaçao Pride.
- Ayudo pa Mucha i Hóben: bo por alkansá nan na 918, WhatsApp +5999 514 0918 òf kòmbersá online ku nan na www.918.cw.
Bo tin miedu di bo famia?
Den sierto famia, e echo ku bo tin sintimentunan homoseksual por ta un problema. Kisas bo tin miedu ku bo famia lo hasi abo òf otronan daño.
Bo tin miedu pa bo seguridat? Buska yudansa:
- Emergensia? Yama 911.
- Papia ku un hende ku bo ta konfia. Kisas bo por hasi esaki ku un amigu, miembro di famia, bo mentor na skol òf universidat òf un trahadó sosial.
- Yama òf manda un WhatsApp pa Protehami na +5999 663 2803. Esaki ta un organisashon di gobièrnu pa kualke hende ku tin ku dil ku violensia doméstiko.
- Bo por yama Aliansa na +5999 565 0202 i manda email na: [email protected].
Otro tópiko
Sigui eksplorá bo salú seksual.
Namorá i kiko awor?
Deskubrí si e persona ku bo ta namorá di dje ta sinti meskos por ta difísil. Esaki por sinti mas kompliká ainda si bo ta...
Sali fo’i kashi
Sali fo’i kashi ta un skohensia personal i no tin motibu korekto òf robes pa hasié. Pa algun, ta un asuntu di trata di biba...
Ora bo haña sa
No ta tur hende ta kontentu di ta seksualmente diverso. E por sòru pa hopi konfushon. Kisas bo ta sinti manera kos ku ta bo...
