Sosten
Por realmente yuda pa papia ku un hende di konfiansa, manera un partner, mayornan òf un amigu íntimo. E echo ku bo tin sosten ta hasié mas fásil pa tuma un desishon bon pensá i no enfrentá esaki bo so. Si bo tin duda òf preokupashon, òf si bo ta luchando ku bo relashon, no duda pa papia ku un hende di konfiansa. Profeshonalnan di salú ta obligá pa tene bo informashon konfidensial i nan no por kompartí nada sin bo pèrmit.
Tuma kontakto ku CSGC, bo dòkter òf Fundashon Famia Plania pa guia.
Duna konsentimentu médiko?
Mucha muhé di 16 aña p’ariba por duna nan mes konsentimentu pa proseduranan médiko. Mucha muhé di 12-16 aña formalmente mester di pèrmit di nan tutornan legal. Si e ta entre 12 pa 16 aña, pero no tin konsentimentu di mayornan, òf ta preokupá tokante kon su mayornan lo reakshoná, un aborto ta tòg posibel ainda. Mester determiná esaki den deliberashon ku e dòkter. Konsentimentu di un tutor legal ta obligatorio pa esnan bou di 12 aña di edat.
Nan a fòrsá bo pa tene relashon seksual?
Nan a fòrsá bo pa tene relashon seksual? Konta bo dòkter. Bo por konfié. Nan no mag di bisa bo mayornan, pasó nan ta obligá di tene tur kos konfidensial.
Sèks kontra bo boluntat ta abuzu. Por raportá esaki na polis dor di tuma kontakto ku e siguiente numbernan:
Polis
- 911: Emergensia
- 917: No Emergensia
- 108: Raportá anónimamente
Of buska guia i sosten serka e siguiente organisashonnan:
Protekshon di Mucha
- 918 : Ayudo pa Mucha i Hóben. Telefòn di yudansa pa mucha i hóben, grátis i anónimo.
- +5999 461 4444: Protekshon di Mucha – kontakto pa adulto.
- +5999 462 4224: Pa guia relashoná ku abuzu seksual.
Otro tópiko
Sigui eksplorá bo salú seksual.
Na estado òf nò?
Bo a yega di tene relashon seksual sin un kondon òf otro forma di antikonseptivo? Chèk akinan kiko bo mester hasi i kon bo ta...
Terminashon di embaraso
Aborto ta ilegal na Kòrsou. Si bo ta na estado pero no ke haña un yu, fabor tuma kontakto ku CSGC òf bo dòkter. Hasi...
Sigui ku embaraso?
Si e tèst di embaraso ta positivo, bo ta na estado. Kisas ta algu ku bo tabata ke realmente i bo ta kontentu ku esaki....
