Kon pa kuida bo vulva i vagina

9 tep: Kon bo ta mantené bo vulva i vagina limpi i saludabel?

1. Bisti paña djabou limpi tur dia.
   Bo pèntinan por hole un tiki si bo bisti nan pa hopi tempu. Esei ta pasobra e deskarga for di bo vagina ta riba nan. Deskarga ta normal i saludabel. Pero laba bo karson despues ku bo a bistié un biaha.
2. Uza paña djabou di katuna sin un protektor di pènti.
   Paña djabou sintétiko i protektornan di pènti ta ponebo soda mas i por kousa iritashon den bo vagina. Esaki ta kousa mas deskarga.
3. Laba bo labia ku awa lou, pero no ku habon. No uza habon vaginal tampoko.
   No uza habon pa laba bo labia, ya ku esaki lo stroba e balansa di ásido den bo vagina. E por kousa grawatashi, iritashon, infekshon di fungo (tordo), vaginosis bakterial i doló durante sèks. Ke men, laba ku awa so.
4. No laba bo vagina part’i paden. E ta mantené su mes limpi.
   No uza habon vaginal tampoko. Laba bo vagina kuné ta stroba e balansa di pH. Esaki por kousa grawatashi, iritashon, infekshon di fungo (tordo), vaginosis bakterial i doló durante sèks.
5. Bo deskarga diripiente ta hole kompletamente diferente? Bishitá un dòkter.
   Algu den bo deskarga a kambia? Bo deskarga kisas ta muchu mas diki, mas fini, tin un otro koló òf tin un holó malu? Bo tin doló òf grawatashi? Traha un sita pa bishitá bo dòkter. Bo por tin un infekshon di fungo, vaginosis bakterial òf un IST(Infekshon Seksualmente Transmití).  Tèstmentu di IST ta posibel tambe na e Sentro di Salú Seksual di  Departamentu di Salubridat Públiko.
6. Limpia di dilanti bai patras ora bo bai tualèt.
   Promé kantu di bo vulva, despues bèk den direkshon di bo atras. Di e manera akí, bakteria for di bo anus no por drenta den bo uretra. Asin’akí bo ta evitá di haña un infekshon di blas òf un infekshon di fungo.
7. Pishi despues di hasi sèks.
   Tin biaha bakteria (di bo partner òf di bo mes) ta drenta den e uretra na momentu ku bo hasi sèks. Dor di hasi bo blas kompletamente bashí despues di a hasi sèks, bo ta saka kualke bakteria for di e uretra. Esaki ta prevení un infekshon di blas tambe.
8. Regla? Kambia tuaya sanitario i uza tampòn regularmente.
   Kambia tuaya i tampòn kada tantu ora. No uza nan pa mas tantu ku 8 ora. Nan por kuminsá kousa iritashon.
9. Wak bo vulva i vagina den un spil.
   Un pénis ta prominentemente visibel; bo vulva i vagina nò. Pa e motibu akí, tin hende muhé nunka no a yega di mira nan mes vagina. Pero mas bo sa tokante kon bo vagina ta funshoná, sinti i mustra, mas fásil ta pa kuid’é. I mas mihó bo ta prepará pa sèks. Uza un spil i tira un bista pa bo mes.