Uza protekshon
Bo por redusí e chèns di haña un ITS dor di hasi uzo di un kondon semper ora bo tene relashon seksual. Papia ku bo partner seksual tokante prevenshon di ITS, sea ku bo tin partnernan kasual òf bo ta den un relashon (mas) permanente.
- Bo a yega di tene relashon seksual sin un kondon òf bo ta kere ku bo tin un ITS? Laga nan tèstbo i si dado kaso bo tin un MTS, dunabo tratamentu
- Bo ta un hende hòmber ku ta hasi sèks ku otro hende hòmber? Laga nan bakuná bo kontra hepatitis B
- Bo ta konvensí ku bo a keda eksponé na HIV resientemente (den menos ku 72 hora)? E ora ei, bo por haña un PEP treatment
Bo ke ta sigur ku bo no ta haña ningun ITS òf sali na estado? E ora ei, semper tuma medida pa prevení esaki.
Uza antikonseptivo
Uzo di antikonseptivo ta protehá bo(so) mes. E mihó manera pa tene relashon seksual: ta uzo di kondon plùs pel (òf un otro antikonseptivo).
Un kondon ta protehá’bo kontra ITS. Pel no ta protehá kontra ITS, pero ta un di e métodonan mas ampliamente uzá pa prevení embaraso.
Protehá bo mes kontra ITS
Ora bo tene relashon seksual, uzo di kondon ta e úniko manera pa prevení ITS. Mayoria kos ku ta bai robes ku kondon ta sosodé pasobra no ta uza nan korektamente. Pues, sòru pa bo sa kon ta uza un kondon.
Protehá kontra ITS
Bo ta protehá kontra ITS si:
- Abo i bo partner no ta tene relashon seksual ku niun otro hende i niun di boso dos no tin un ITS
- Bo ta solamente karisiá, sunchi i brasa otro, duna otro masashi, masturbá òf uza dede pa satisfasé otro
- Bo ta uza un kondon aprobá pa sèks vaginal
- Bo ta uza un kondon aprobá ku èkstra lubrikante pa sèks anal
- Bo ta uza un kondon ora di chupa pénis
- Bo ta uza un dam dental òf un kondon ku bo a kòrta habri pa uza komo dam dental durante sèks vaginal òf sèks oral anal
Si bo no haña sanger di menstruashon òf otro tipo di sanger òf spèrma den bo boka ora bo ta chupa pénis, bo no ta kore niun rísiko di HIV. Pero kòrda bon, tin un chèns tòg pa haña otro ITS.
No protehá kontra ITS
Si bo tene relashon seksual sin un kondon, bo no ta protehá kontra ITS.
Otro tópiko
Sigui eksplorá bo salú seksual.
Papia tokante uzo di kondon
Bo tabatin intenshon di uza un kondon, pero na momentu ku bo a kuminsá hasi sèks, esaki a parsebo algu asina laf pa diskutí… Awor...
Prevenshon di HIV
Bo ta bin na remarke pa un tratamentu di PEP si resientemente bo tabatin relashon seksual kaminda tabatin un chèns di haña HIV. Kuminsá mas...
Tipo di kondon
Si bo kondon ta pasbo korektamente, lo bo disfrutá mas tantu di sèks. Kondonnan regular ta pas mayoria hende hòmber i mucha hòmber, pero un...
