Kiko ta un kondon?

Dikon mester uza un kondon ?

• E ta prevení ITS: Kondon ta redusí e rísiko riba mayoria ITS signifikativamente, inkluso klamidia, gonorea i HIV. Lesa mas tokante ITS
• E ta prevení Embaraso: Ora ku uz’é korektamente, un kondon ta sumamente efektivo pa prevení embaraso. Pa protekshon èkstra, bo por kombiná nan ku un otro método antikonseptivo, manera píldora òf un spiral.  Kon pa prevení embaraso

Unda por kumpra kondon?

Bo por kumpra kondon na:

• Botika
• Supermerkado 
• Tiendanan di sèks
• Fundashon Famia Planiá 

Hende ta pensa tin biaha ku kumpramentu di kondon ta algu ku bo mester tin bèrgwensa di dje. Spesialmente si bo mester pidi pa kondon ku ta tras di  tonbank. Pero no ta un kos pa tene bèrgwensa di dje. Den realidat, bo mester ta orguyoso di bo mes. Bo inisiativa ta protehá abo i bo partner seksual di ITS òf un embaraso indeseá.  

Por haña kondon na Sentro pa Salubridat Seksual Kòrsou (CSGC).

Tep pa warda kondon

• Warda kondon na un lugá fresku i skur, manera un lachi di kama òf bo pòtmòni
• No pone kondon den frishidèr i tene nan for di solo
• Tene kondon leu for di yabi òf kualke otro opheto skèrpi. Esaki lo por kibra nan

Bentaha i desbentaha di kondon

Bentaha:

• Hasi uzo di un kondon ta redusí e rísiko riba un ITS
• Bo no mester bishitá un dòkter promé
• E no ta algu ku bo mester pensa riba dje a ménos ku bo ta bai tene relashon seksual (pero sòru pa bo tin algun huntu ku bo semper)
• Bo por kumpra kondon na hopi lugá
• Un kondon por yudabo sigui hasi sèks mas largu promé ku bo haña un orgasmo
• Semen no ta drenta den e vagina òf anus

Desbentaha:

• Si bo no bisti un kondon korektamente, e por kibra òf slep kita. E ora ei lo e no protehá bo korektamente kontra ITS òf embaraso
• Tin hende ku no gusta ku nan mester stòp durante sèks pa bisti unu
• Bo mester di un kada biaha ku bo ta bai tene relashon seksual
• Tin hende ta sinti ménos sensashon durante sèks