Kiko ta hormona?

Kiko hormona ta hasi? E:

• ta yuda bo genitalnan desaroyá
• tin efekto riba kresementu di kabei
• tin efekto riba menstruashon
• tin efekto riba produkshon di sperma
• tin efekto riba kon bo múskulonan ta krese
• tin efekto riba e vèt den bo kueru
• por ponebo sinti alegre òf tristu òf deprimí

Hormonanan seksual

Hormonanan seksual ta regulá kresementu di genitalnan promé ku nasementu di un yu: pénis, testíkulo, vulva, vagina, matris. Durante pubertat, e hormonanan akí ta trese kambionan den bo kurpa. Despues ora bo tin fantasia- òf soñonan seksual, òf mira, tende òf sinti algu sèksi, e hormona seksual ta yudabo bira seksualmente eksitá. Tambe nan ta hunga un ròl importante den konsepshon i embaraso.

Hormonanan den antikonseptivo

Algun antikonseptivo ta kontené e hormona progesterona i estrógeno. Esakinan ta prevení embaraso.

Progesterona

Progesterona ta sòru pa e webunan di un hende muhé no madurá. I si un webu keda produsí, e ora ei e no por keda implantá den e matris. E hormona ta hasié difísil tambe pa sèlnan di spèrma yega na e webu.

Estrógeno

Estrógeno ta sòru pa sleim akumulá den matris di un hende muhé. Si bo ta uza un antikonseptivo hormonal, e ora ei e sleim lo keda lansá den e siman sin antikonseptivo. Esaki ta parse sangramentu menstrual natural pero en realidat ta un sangramentu artifisial.

Progesterona:

• Mini Píldora
• inyekshon antikonseptivo
• implante antikonseptivo
• spiral hormonal  (IUS)

Progesterona i estrógeno:

• píldora antikonseptivo
• renchi antikonseptivo
• pleister antikonseptivo

Kiko ta bon pa bo?

Kua antikonseptivo hormonal ta esun mihó pa bo? Esaki ta dependé di bo salú, uzo di remedi, edat, estilo di bida i kualke historia di malesa familiar. Papia ku bo dòkter tokante e opshon ku por funshoná mihó pa bo òf pasa na Fundashon Famia Planiá.

E hormonanan den antikonseptivo ta malu pa bo?

Nò. Bo kurpa tambe ta produsí hormona. Hormona ta redusí e rísiko di sierto malesa. Di otro banda, hormona ta oumentá e rísiko di desaroyá trombosis òf malesa di kurason. Spesialmente si bo ta huma. Papia ku bo dòkter tokante e mihó opshon pa bo. 

Hormonanan tin efekto sekundario?

Efektonan sekundario positivo

• ménos pèshi 
• ménos doló di regla
• sangramentu ménos severo durante bo menstruashon
• un tiki ménos rísiko di algun tipo di kanser

Efektonan sekundario negativo

Bo ta uza e píldora òf un pleister òf renchi antikonseptivo? Esakinan ta kontené e hormonanan estrógeno i progesterona i lo por dunabo:

• doló di kabes
• pèrdida di sanger iregular
• pechunan doloroso
• walmentu di stoma
• estado di ánimo abou
• subida di peso
• deseo seksual redusí

Bo tin un spiral hormonal  (IUS), implante òf inyekshon antikonseptivo. Of bo ta uza mini píldora? Esakinan ta kontené solamente e hormona progesterona i lo por dunabo:

• pèrdida di sanger iregular
• doló di kabes
• pèshi
• pèrdida di kabei
• pechunan doloroso
• estado di ánimo abou
• subida di peso

Antikonseptivo sin hormona

Antikonseptivo konfiabel sin hormona ta: e spiral di koper (IUD), kondon pa hende hòmber i kondon pa hende muhé i diafragma antikonseptivo (kapa).