Kiko bo ke?
Si bo disidí di tene relashon seksual, kiko bo ke hasi? I kiko ta bo límitenan? Tur hende tin nan propio límite- i deseonan ora ta trata di intimidat. Ta importante pa komprondé kiko abo ta gusta i kiko bo no ta sintibo kómodo kuné. Bo no ta sigur ainda? Esaki ta oké! Bo no mester tin tur e kontestanan mesora, pa saka afó kiko bo ke ta tuma tempu.
- E ta sinti bon pa bo?
Sunchi, mishi, hasi sèks—kiko ku bo ta hasiendo, e pregunta mas importante ta: Esaki ta sinti bon pa bo? Bo ke sigui? Bo ta disfrutá di dje? Si t’asina, tremendo! Pero si algu ta sinti inkómodo òf bo no ta sigur, ta bon pa tuma un pousa òf stòp. Si bo no ta gusta kon bo partner ta mishi ku bo, e mihó kos pa hasi ta papia, asta si e ta sinti difísil. - Uza bo imaginashon
Hopi hende tin fantasia tokante amor i sèks i esaki ta kompletamente normal. Pensa riba loke ta eksitá bo por yudabo siña mas tokante bo deseonan. Si bo ta kurioso pa eksplorá algu, ta importante pa sòru pa e ta sinti sigur i kómodo pa bo. - Bo ke sunchi pero sin tene relashon seksual? Esaki ta oké!
Bo no mester hasi nada ku bo no ta kla p’e. Kisas bo ta den un relashon pero no ta sinti gana di tin sèks. Of kisas bo ta disfrutá di sunchi i mishi pero no ta den e estado di ánimo pa sèks penetrativo. Esaki ta kompletamente oké! Komuniká loke bo ke i bo partner mester respetá esaki. Niun hende no mester preshoná bo pa hasi algu ku bo no ta sintibo kómodo kuné. - Kiubo di bo partner?
Bo sa kiko bo pareha ta gusta? Tin biaha bo por bisa for di nan lenguahe di kurpa, pero tin biaha bo no por. Si bo no ta sigur, puntra! Papia tokante loke boso tur dos gusta por yuda boso tin un mihó eksperensia i unu mas respetuoso huntu. - Bisa nò semper ta oké
Si algu no ta sinti bon, bo tin tur derechi di bisa nò òf stòp na kualke momentu, te asta meimei di algu. Semper un hende mester respetá ora un otro bisa “Nò” òf “Stòp”. Tin biaha, ta ora numa ku algu ta pasando kaba, bo ta realisá ku bo ta inkómodo. Si esaki sosodé, stòp i papia di dje. Bo sintimentunan ta importá i un partner kariñoso lo skucha.
Otro tópiko
Sigui eksplorá bo salú seksual.
Reflekshoná riba bo límitenan i loke bo ke
Sa ki ora bo ta kla pa hasi sèks ta un desishon personal ku ta dependé di hopi faktor. Loke ta mas importante ta ku...
Kiko ta sèks?
Sèks por nifiká diferente kos pa diferente hende. Esensialmente, sèks ta kualke tipo di aktividat íntimo òf físiko ku hende ta partisipá aden pa plaser...
Papia tokante sèks
Relashon seksual ta un eksperensia personal i íntimo i ta normal pa papia tokante esaki ku bo partner. Komunikashon ta klave pa komprondé otro su...
