Kiko ta sèks?
Sèks por nifiká diferente kos pa diferente hende. Esensialmente, sèks ta kualke tipo di aktividat íntimo òf físiko ku hende ta partisipá aden pa plaser i konekshon. E por enserá kosnan manera sunchi, mishi, sèks oral, sèks vaginal, sèks anal, òf otro formanan di intimidat.
Sèks no ta djis físiko—e ta enserá emoshon, komunikashon i konsentimentu tambe. Ta importante pa tur hende enbolbí sinti nan mes sigur, kómodo i respetá.
Tin hende ta skohe pa bira seksualmente aktivo, miéntras otronan nò i esaki ta perfektamente oké. E kos di mas importante ta pa hasi skohensianan informá ku ta sinti bon pa bo, basá riba loke bo ke, bo balor- i límitenan.
Na Kòrsou, lei ta protehá hóbennan dor di prohibí aktividat seksual entre adulto i menor di edat. Esaki ta yuda garantisá ku hóbennan por krese, eksplorá i forma relashonnan den ambientenan sigur i respetuoso, liber di preshon, daño òf eksplotashon.
Otro tópiko
Sigui eksplorá bo salú seksual.
Reflekshoná riba bo límitenan i loke bo ke
Sa ki ora bo ta kla pa hasi sèks ta un desishon personal ku ta dependé di hopi faktor. Loke ta mas importante ta ku...
Kiko bo ke?
Si bo disidí di tene relashon seksual, kiko bo ke hasi? I kiko ta bo límitenan? Tur hende tin nan propio límite- i deseonan ora...
Papia tokante sèks
Relashon seksual ta un eksperensia personal i íntimo i ta normal pa papia tokante esaki ku bo partner. Komunikashon ta klave pa komprondé otro su...
