Sali fo’i kashi

Sali fo’i kashi

Sali fo’i kashi ta un skohensia personal i no tin motibu korekto òf robes pa hasié. Pa algun, ta un asuntu di trata di biba outéntikamente i kompartí nan identidat berdadero ku mundu. E por trese un sentido di libertat, alivio i konekshon, permitiendo bo pa forma relashonnan mas profundo ku esnan ku ta aseptá i sostené bo. Pa otronan, sali fo’i kashi kisas no ta sinti korekto òf seif i esei tambe ta bon. Na final di kuenta, e desishon pa sali fo’i kashi ta mará na loke ta sinti mihó pa bo, segun bo propio términonan i ritmo.

Photo showcasing people in non-stereotypical roles

Asin’akí bo ta hasié: 5 tep

Pensa ken bo ke bisa promé. Skohe un hende ku bo ta ferwagt di reakshoná positivamente. Un hende ku lo no kompartí bo sekreto mesora. Un hende ku ta un bon skuchadó i ta aseptá bo manera bo ta.
Bisa ku bo tin algu importante pa konta nan tokante bo mes. Kisas bo ke warda esaki sekreto: puntra e otro persona promé si nan por warda un sekreto.
Tin hóben ta bisa nan mayornan promé. Si bo mayornan no reakshoná positivamente, duna nan tempu pa kustumbrá ku e idea. Podisé bo a kustumbrá kuné pa un tempu kaba, pero probablemente e ta nobo pa bo mayornan.
Otro hende ta preferá di bisa un amigu promé. Sòru pa bo por konfia e persona akí. Talbes nan mester di tempu pa kustumbrá ku e idea.
Si bo ta duda si un hende lo reakshoná positivamente riba bo salimentu fo’i kashi, puntra nan promé kiko nan ta pensa di homoseksualidat en general.

Keda sin konta niun hende

Algun hóben ta tuma un desishon konsiente pa no konta niun hende, motivá pa e miedu di pèrdè famia òf amigunan, òf ku hende lo intimidá nan. Den sierto famia, ta isolá i ekskluí homoseksualnan. Bo por ta na peliger si bo bisa nan. Esaki ta zona konosí? Buska yudansa serka un hende ku bo por konfia! Kisas serka un miembro di famia òf amigu. Un hende ku por komprondé bo storia òf un hende di un organisashon di sosten manera FOKO òf Curaçao Pride.

Sosten pa bo mayornan

Sali fo’i kashi por ta un momentu krusial pa bo mayornan. E por bini manera un sorpresa i ta normal pa nan eksperensiá un variedat di emoshon. Talbes nan mester di tempu pa ahustá na un idea diferente di futuro, i nan por lucha tambe ku kon pa papia tokante esaki ku otronan òf konfrontá nan mes prehuisionan, asta si nan no ta kompletamente konsiente di esakinan. E bon notisia ta ku sosten ta disponibel pa tantu abo komo bo mayornan durante e proseso akí. E Grupo di Sosten di Mayornan LGBTQ ta ofresé un lugá kaminda mayornan por topa otro, kompartí eksperensianan i haña kontesta riba nan preguntanan. Por alkansá e grupo di sosten na e siguiente number di WhatsApp: +5999 690 9000.

Unda pa topa otronan

Topa otro homoseksual, lesbiana òf biseksual pa promé biaha por ta un eksperensia poderoso. E ta un rekordatorio ku bo no ta bo so i e por ta un konsuelo pa aliviá bo kurason serka otronan, spesialmente ora bo no ta sigur. E por duna un sentido di sosten i guia.

1. Internèt ta un bon kaminda pa kuminsá.

Chèk e Facebook group, ‘’LGBT Events hosted by Lulu’’(Eventonan LGBT organisá pa bo anfitrion Lulu).
Sigui FOKO i Curaçao Pride riba media sosial pa eventonan.

2. Pa esnan di 18 aña p’ariba, Gaze Bar ta un bar LGBT den Punda ku ta organisá fiesta- i eventonan.