B’a salta un píldora?
Hopi mucha muhé ta lubidá di tuma píldora tin biaha. Of nan a saka òf tabatin diarea, pues e píldora ta ménos efikas. Tin hopi aplikashon (app) grátis pa baha, ku por kòrdabo pa tuma e píldora. Bo por pone un rekordatorio di tur dia riba bo telefòn tambe.
Bo ta protehá tòg ainda?
E chèns di sali na estado ta dependé di e siman ku bo a salta tumamentu di un píldora i kuantu píldora bo a keda sin tuma. Si bo a saka òf tabatin diarea, esaki tambe ta konta komo salta tumamentu di un píldora.
Bo tabatin relashon seksual?
Si bo a yega di hasi sèks kaminda pénis a penetrá den vagina i semen a drenta den bo vagina, tin chèns di embaraso, spesialmente si:
- Bo a kaba di kuminsá tuma píldora
- Bo a salta e promé píldora despues di e siman sin píldora
- Bo a lubidá di tuma 1 òf mas píldora den e promé siman di bo strep di píldora
- Bo a salta un píldora dos biaha òf mas den un periodo kòrtiku
- Bo a lubidá un píldora un biaha promé for di e mesun strep di píldora
Lesa e instrukshonnan
Si bo a tene relashon seksual i un tiki semen a drenta den bo vagina, lesa e foyeto di instrukshon di píldora pa haña sa kiko bo mester hasi. Bo por puntra bo dòkter tambe òf tuma kontakto ku Fundashon Famia Planiá.
Bo sa salta tumamentu di píldora hopi biaha?
Talbes un otro tipo di antikonseptivo lo bai mihó ku bo. Eksplorá bo otro opshonnan akinan. Bo por papia ku bo dòkter òf Fundashon Famia Planiá.
Otro tópiko
Sigui eksplorá bo salú seksual.
Papia tokante antikonseptivo
Píldora i otro antikonseptivo ta protehá kontra embaraso, pero kon bo papiá tokante tur esaki?
Salta bo siman sin píldora òf hasié mas kòrtiku
Un siman sin píldora ta dura 7 dia. Loke bo ta hasi ta tuma píldora pa 21 dia i despues bo ta keda sin tuma...
Kon pa tuma píldora
Normalmente ta yama e píldora antikonseptivo ‘píldora’. Si un hende muhé ta tuma un tablèt pa dia, hormonanan ku ta keda mandá den su kurpa...
