Papia tokante uzo di kondon
Bo tabatin intenshon di uza un kondon, pero na momentu ku bo a kuminsá hasi sèks, esaki a parsebo algu asina laf pa diskutí… Awor bo ta rabiá ku bo mes,
pasobra bo ta preokupá ku bo por haña un ITS, ta na estado òf a saka un hende na estado. Esaki ta zona konosí?
Papia tokante kondon, kon ta hasi esaki?
- Pensa delantá: ki momentu bo ke kuminsá papia tokante kondon? Si bo a kaba di topa un hende, lo bo no ke papia tokante uzo di kondon mesora. Pero pa warda te despues ku bo a tene relashon seksual ta muchu lat, naturalmente.
- Promé ku bo tene relashon seksual, pensa riba kon bo ta papia ku bo partner tokante kondon i kiko bo ta bai bisa. Praktiká di antemano ta hasié mas fásil ora e momentu yega.
- Sea kla! Djis bisa ku bo no ke haña un ITS, sali na estado òf laga bo partner sali na estado. Asina ei lo no tin malkomprondementu.
òf:
- Djis kue un kondon i bistié òf bisti bo partner e. No mester bisa nada i ta bon kla kiko bo ke men.
- Puntra un amigu kon nan ta atendé ku esaki.
- Sòru pa semper bo tin kondon huntu ku bo (esaki ta konta tantu pa hende muhé komo hende hòmber), i asta si bo no ta planiando pa tene relashon seksual ku un hende. Pasobra bo no sa nunka…
Bo ke stòp di uza kondon?
Si bo ke stòp di usa kondon i solamente uza pel òf un otro antikonseptivo na lugá di esei, laga nan tèstbo riba ITS promé.
.
Otro tópiko
Sigui eksplorá bo salú seksual.
Prevenshon di HIV
Bo ta bin na remarke pa un tratamentu di PEP si resientemente bo tabatin relashon seksual kaminda tabatin un chèns di haña HIV. Kuminsá mas...
Uza protekshon
Bo por redusí e chèns di haña un ITS dor di hasi uzo di un kondon semper ora bo tene relashon seksual. Papia ku bo...
Prepará pa e promé biaha
Hopi hende ta sinti nèrvioso tokante nan promé eksperensia seksual. Esaki ta kompletamente normal! No tin purá i no tin niun manera “perfekto” pa hasié....
